بۇل تۋرالى بۇۇ، ۇلىبريتانيا جانە يتاليا ەلشىلىگى ەلىمىزدىڭ جاستارىمەن وتكەن كەزدەسۋ بارىسىندا قازاقستانداعى بۇۇ تۇراقتى ۇيلەستىرۋشىسى ميكاەلا فريبەرگ-ستوري مالىمدەدى، دەپ حابارلايدى almaty-akshamy.kz Baq.kz سىلتەمە جاساپ.
كليماتتىڭ وزگەرۋى قاتتى بايقالادى. ول وزگەرىستەر جىلىنۋ، سۋ باسۋ، ورمان ورتتەرى مەن قۇرعاقشىلىقتى تۋدىرىپ، جانۋارلار مەن وسىمدىكتەردىڭ جوعالىپ كەتۋىنە سەبەپ بولۋى مۇمكىن. ونىڭ سالدارىن قازاقستاننان دا بايقاپ وتىرمىز. اۋا رايىنىڭ توتەنشە جاعدايلارى سالدارىنان بولاتىن شىعىندار دا وسۋدە. ول 330 ملرد اقش دوللارىن قۇرايدى. كليماتتىڭ وزگەرۋى ۇلتتىق ەكونوميكانى قۇلدىراتىپ، ميلليونداعان ادامنىڭ ومىرىنە ىقپال ەتەدى، - دەدى ميكاەلا فريبەرگ-ستوري.
ونىڭ ايتۋىنشا، الەم ەلدەرىنە جاھاندىق تەمپەراتۋرانىڭ 2،7 سەلسيي گرادۋسقا اپاتتى تۇردە ارتۋ قاتەرى ءتونىپ تۇر.
سول سەبەپتى كليماتتى قالپىنا كەلتىرۋ ءۇشىن شامامەن 20% ينۆەستيسيا «جاسىل» ەكونوميكانى قولداۋعا باعىتتالاتىن بولادى. ەگەر ءبىز كومىرتەكتىڭ جاھاندىق شىعارىندىسىن 45%-عا قىسقارتپاساق، ارادا 100 اي وتكەندە، ياعني 2030 جىلعا قاراي 1،5 گرادۋس تەمپەراتۋرامەن بولاشاققا قول جەتكىزۋ قيىن، - دەپ اتاپ ءوتتى بۇۇ تۇراقتى ۇيلەستىرۋشىسى.