الماتىدا جاڭا تۇرعىن ءۇي كەشەندەرى، جاتاقحاناسى بار كاسىپتىك-تەحنيكالىق مەكتەپ جانە بالاباقشالار سالىنادى

الماتىلىقتار جايلى جانە اباتتاندىرىلعان اۋدانداردا تۇراتىن بولادى. الماتى قالاسى جايلى قالالىق ورتا باسقارماسىنىڭ باسشىسى ساپار نۇراشيەۆ وڭىرلىك كوممۋنيكاسيالار قىزمەتىنىڭ بريفينگىندە جاڭا نىساندار سالۋ جانە جوبالىق-سمەتالىق قۇجاتتاما ازىرلەۋ جوسپارلارى تۋرالى ايتتى، دەپ حابارلايدى almaty-akshamy.kz

ساپار نۇراشيەۆ ۆەدومستۆو تاراپىنان 102 جوبا ازىرلەنىپ جاتقانىن، ونىڭ 27ء-سى بويىنشا ساراپتاما قورىتىندىسىنىڭ الىنعانىن حابارلادى.

"جاس قانات" شاعىناۋدانىندا التى كوپ پاتەرلى تۇرعىن ءۇي، "نۇركەنت" جانە "شۇعىلا" شاعىناۋداندارىندا يننوۆاسيالىق شىعارماشىلىق ورتالىقتارىن، سونداي-اق "زەردەلى" شاعىناۋدانىندا 380 ورىندىق جاتاقحاناسى بار 720 ورىندىق كاسىپتىك-تەحنيكالىق مەكتەپ سالۋدى جوسپارلاپ وتىرمىز. بۇلاردان وزگە، №9، 15، 80، 122، 131، 141 مەكتەپتەرىن، «ءبىلىم-يننوۆاسياسىن» سەيسميكالىق كۇشەيتۋ جانە كۇردەلى جوندەۋ جوسپارلانعان. سونداي-اق، "اقجار" شاعىناۋدانىندا 320 ورىندىق جانە "اينابۇلاق-4"، "سايالى-2" شاعىناۋداندارىندا ءارقايسىسى 160 ورىندىق ءۇش بالاباقشا سالىنادى»، - دەپ حابارلادى سپيكەر.

جايلى قالالىق ورتا باسقارماسىنىڭ جوسپارىندا №70 بوبەكجاي-بالاباقشا مەن ستاحانوۆسكيي كوشەسىندەگى بالاباقشانى سەيسميكالىق نىعايتۋ جانە كۇردەلى جوندەۋ جۇمىستارى تۇر.

ساپار نۇراشيەۆ 30 كوپ پاتەرلى تۇرعىن ءۇي مەن 18 دەنساۋلىق ساقتاۋ نىسانىنان تۇراتىن 48 جوبانى جوبالاۋدىڭ اياقتالىپ قالعانىن.

«كەلەسى جىلعا ءبىز «قالقامان-2» تك جوبالىق-سمەتالىق قۇجاتتاماسىن ازىرلەپ جاتىرمىز. جوباعا سايكەس، وسى قالا قۇرىلىسى تورابىندا بەس قاباتتى 20 ءۇي سالۋ جوسپارلانۋدا. 160 ورىندى بالاباقشانىڭ  جوباسى ازىرلەنۋدە»، - دەدى ساپار نۇراشيەۆ.

بولاشاقتا 2023-2024 جىلدارى دەنساۋلىق ساقتاۋ سالاسىن دامىتۋ بويىنشا ءبىرقاتار ءىرى جوبالاردى ىسكە اسىرۋ جوسپارلانۋدا. بۇل جوبالارعا ءتورت ەمدەۋ مەكەمەسى، ءۇش ەمحانا، سەگىز وتباسىلىق-دارىگەرلىك امبۋلاتوريا كىرەدى. بۇگىندە بارلىق جوبالار جوبالاۋ كەزەڭىندە. ولاردىڭ اراسىندا "مەدەۋ" اۋدانىنداعى ونكولوگيالىق ورتالىعى بار كوپسالالى اۋرۋحانا، جيتس ورتالىعىنىڭ بولىمشەسى بار حوسپيس، №2 قالالىق بالالاردىڭ كلينيكالىق اۋرۋحاناسىنىڭ كورپۋسى، احريمەنكو كوشەسىندەگى ەرتە ارالاسۋ ورتالىعى، "قاراعايلى"، "جاس قانات" شاعىناۋداندارىنداعى ەمحانالار جانە باسقالار بار.