پوليسيا يتتەرى ەرەكشە بالالارمەن ءتىل تابىسۋعا ۇيرەتىلەدى

ارنايى دايىندالعان يتتەر پسيحيكالىق جانە جۇيكە جۇيەسىن جەڭىلدەتەدى، بەلگىلى ءبىر الەۋمەتتىك جانە كوممۋنيكاتيۆتى مىنەز-قۇلىقتى دامىتۋعا كومەكتەسەدى.

ارنايى تۇزەتۋ مەكتەپ-ينتەرناتىنىڭ بالالارى الماتى قالاسىنداعى ءىىم كينولوگيالىق ورتالىعىنا شاقىرىلدى، دەپ حابارلايدى اlmaty-akshamy.kz

Polisia.kz سايتىنىڭ مالىمەتىنشە، ەرەكشە بالالار قىزمەتتىك يتتەرمەن تانىستى، ولاردىڭ كورسەتىلىمدەرىنە قاتىسىپ، ءتورت اياقتى پوليسيا كومەكشىلەرىن باسقارۋدى جانە كوماندالار بەرۋدى ۇيرەندى.

ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى ەرلان وماربەكوۆ مۇعالىم-تيۋتورلارمەن كەزدەسۋدە پوليسيا يتتەرىن وسىنداي كەزدەسۋلەر ءۇشىن ەرەكشە بالالارمەن كوممۋنيكاسيا ادىستەرىنە ارنايى وقىتقانىن اتاپ ءوتتى. ولار قيمىلداردى، سويلەۋ ينتوناسياسىن وتە جاقسى سەزىنەدى جانە دۇرىس تۇسىنەدى، بەيتانىس ادامداردىڭ دوستىق مىنەز-قۇلقىن ىنتالاندىرادى.

ارنايى دايىندالعان يتتەر پسيحيكالىق جانە جۇيكە جۇيەسىن جەڭىلدەتەدى، بەلگىلى ءبىر الەۋمەتتىك جانە كوممۋنيكاتيۆتى مىنەز-قۇلىقتى دامىتۋعا كومەكتەسەدى. ءاربىر ەرەكشە بالا ەرەسەك يتپەن تانىسۋعا، كۇشىكتەرگە جاقىنداپ ويناۋعا، ولاردى تاماقتاندىرۋعا مۇمكىندىك الدى.

بارلىق بالالار مەن ولاردى ەرتىپ كەلگەن ەرەسەك ادامدار كينولوگيالىق ورتالىقتىڭ قاراۋىنداعى يتتەرمەن ەستەلىك فوتوسۋرەتتەرگە ءتۇسىپ، سىيلىقتار الدى.