مەملەكەتتىك قىزمەتتەر كورسەتۋ ساپاسىن ارتتىرۋدىڭ ماڭىزدى قۇرالدارىنىڭ ءبىرى ولاردىڭ كورسەتىلۋىن باقىلاۋ بولىپ تابىلادى. بۇل مەحانيزم ازاماتتاردىڭ مەملەكەتتىك ورگاندارمەن ءوزارا ءىس-قيمىلى كەزىندە اشىقتىق پەن زاڭدىلىقتى قامتاماسىز ەتۋدە ماڭىزدى ءرول اتقارادى.
وسىعان بايلانىستى، الماتى قالاسى بويىنشا مەملەكەتتىك قىزمەت ىستەرى دەپارتامەنتى تۇراقتى نەگىزدە كورسەتىلەتىن قىزمەتتى بەرۋشىلەر تاراپىنان قىزمەت كورسەتۋ ساپاسىنىڭ جاي-كۇيىن زەردەلەۋ بويىنشا جۇمىس جۇرگىزۋدە. جۇيەلى ماسەلەلەرگە دە، ازاماتتاردىڭ ناقتى وتىنىشتەرىنە دە نازار اۋدارىلادى.
ماسەلەن، ازاماتى س. شاعىمىن قاراۋ شەڭبەرىندە دەپارتامەنت جەرگىلىكتى اتقارۋشى ورگاننىڭ مەملەكەتتىك قىزمەت كورسەتۋ مەرزىمدەرىنىڭ ساقتالۋىنا تەكسەرۋ جۇرگىزدى.
قازاقستان رەسپۋبليكاسىنىڭ «مەملەكەتتىك كورسەتىلەتىن قىزمەتتەر تۋرالى» زاڭىنا سايكەس كورسەتىلەتىن قىزمەتتى بەرۋشىلەر مەملەكەتتىك قىزمەت كورسەتۋ ءتارتىبىن ايقىندايتىن زاڭعا تاۋەلدى نورماتيۆتىك قۇقىقتىق اكتىلەرگە سايكەس مەملەكەتتىك قىزمەت كورسەتۋگە مىندەتتى.
الايدا جوسپاردان تىس تەكسەرۋ ناتيجەسىندە الماتى قالاسى جەر قاتىناستارى باسقارماسى قىزمەتكەرلەرىنىڭ ارەكەتتەرىندە بۇزۋشىلىق انىقتالدى.
دەپارتامەنتتىڭ دەن قويۋ ناتيجەلەرى بويىنشا الماتى قالاسى مەدەۋ اۋدانىندا ازامات س. جەر ۋچاسكەسىن ساتۋ تۋرالى الماتى قالاسى اكىمدىگىنىڭ قاۋلىسىن بەرۋ ارقىلى كورسەتىلەتىن قىزمەتتى الۋشىنىڭ بۇزىلعان قۇقىقتارى قالپىنا كەلتىرىلدى.
ناتيجەسىندە، مەملەكەتتىك ورگاننىڭ قىزمەتكەرلەرىنە قاتىستى بۇزۋشىلىقتارعا جول بەرگەن ادامداردى جاۋاپقا تارتۋ تۋرالى ۇسىنىس جىبەرىلدى.
بۇزىلعان قۇقىقتار مەن زاڭدى مۇددەلەردى قالپىنا كەلتىرۋ ماسەلەسى الماتى قالاسى بويىنشا مەملەكەتتىك قىزمەت ىستەرى دەپارتامەنتىندە ەرەكشە باقىلاۋدا.