وسى ماقساتتا جۇمىستار جۇرگىزىلىپ جاتىر.
جەلتوقساننىڭ 8 كۇنى مەدەۋ اۋدانى تۇرعىندارىمەن كەزدەسكەن الماتى اكىمى ەربولات دوسايەۆ قالاداعى پاركتەر مەن دەمالىس ورىندارىنىڭ قۇرىلىسى تۋرالى ايتتى، دەپ حابارلايدى Almaty-akshamy.kz.
قالا باسشىسىنىڭ سوزىنشە، ءقازىر كىشى الماتى وزەنىنىڭ تەررەنكۋرداعى سۋ ايدىنىنىڭ جوعارعى بولىگىن مەملەكەت مەنشىگىنە قايتارۋ جۇمىستارى جۇرگىزىلىپ جاتىر.
«قوعامدىق كەڭىستىكتەردى دامىتۋ اياسىندا كىشى الماتى وزەنىنىڭ تەررەنكۋرداعى سۋ ايدىنىنىڭ جوعارعى بولىگىن مەملەكەت مەنشىگىنە قايتارۋ پروسەدۋراسى جۇرگىزىلۋدە. بالانسقا قابىلدانعاننان كەيىن بوگەتتى نىعايتۋ جانە الماتىلىقتاردىڭ سۇيىكتى ورىندارىنىڭ ءبىرىنىڭ اۋماعىن اباتتاندىرۋ بويىنشا جەكە جوبا ازىرلەنەدى. جوبالاۋ-سمەتالىق قۇجاتتاما 2023 جىلدىڭ III توقسانىندا اياقتالادى»،- دەدى ەربولات دوسايەۆ.