مەدەۋ اۋدانىنىڭ وڭتۇستىك بولىگىنە سۋدى كەستە بويىنشا بەرۋگە قاتىستى ەنگىزىلگەن ءماجبۇرلى شارالار ساقتالۋدا، دەپ مالىمدەدى 2 تامىز كۇنى "الماتى سۋ" كومپانياسى.
2 تامىزدا سۋ بەرۋ مىنا كەستە بويىنشا جۇرگىزىلەدى:
ساعات 7:00-دەن 13:00-گە دەيىن – ءال-فارابي، لۋگانسكيي، چايكينا، تايمانوۆ كوشەلەرىنىڭ كونتۋرىنداعى كوپپاتەرلى تۇرعىن ۇيلەر؛
ساعات 19.00-دەن 24.00-گە دەيىن قۇرمەت كوشەسىنىڭ وڭتۇستىگىندە (جوعارىدا) ورنالاسقان تۇتىنۋشىلار، ونىڭ ىشىندە "يۋبيلەينىي" شاعىن اۋدانى، كامەنسكوە پلاتو، "ەۆروپوليس" تك، "الەم قالاشىعى"، "المالى" تك، كەرەي – جانىبەك حاندارى كوشەسىنىڭ ەكى جاعىنداعى كوپپاتەرلى تۇرعىن ۇيلەر؛
ساعات 13.00-دەن 19.00-گە دەيىن جانە ساعات 24.00-دەن 07.00-گە دەيىن رەزەرۆۋارلارعا سۋ جيناۋ جۇرگىزىلەدى.
"الماتى سۋ" كومپانياسى الماتى وڭىرىندەگى اپتاپ ىستىقتان كىشى الماتى شاتقالىندا تاۋ باسىنداعى قار جامىلعىلارىنىڭ قارقىندى ەرۋى كىشى الماتى وزەنىندەگى سۋ دەڭگەيىنىڭ كۇرت كوتەرىلۋىنە، جاعالاۋلاردىڭ شايىلۋىنا جانە جەرگىلىكتى سەلگە اكەپ سوقتىردى. وزەندەگى سۋدىڭ لايلانۋىنىڭ جوعارىلاۋى سانيتاريالىق نورمالارعا سايكەس تازارتۋ جۇرگىزۋگە مۇمكىندىك بەرمەدى.
1 تامىزدان باستاپ "الماتى سۋ" مكك ماماندارى جۇرگىزگەن زەرتحانالىق تالداۋلار تاۋلىكتىڭ تۇنگى جانە تاڭەرتەڭگى ۋاقىتىندا سۋدىڭ لايلانۋ كورسەتكىشى تومەندەگەنىن كورسەتكەن، بۇل كورسەتكىشتەر، كىشى الماتى وزەنىنەن سۋدى وسى ۋاقىتتاردا الۋعا جانە تازارتۋعا جىبەرىلەتىن سۋ كولەمىن ۇلعايتۋعا مۇمكىندىك بەرەدى.