الماتى وبلىسىندا پاراشيۋتتىك سپورتتان قازاقستان مەن قارۋلى كۇشتەردىڭ ححح اشىق چەمپيوناتى باستالدى
جەكە-كوماندالىق بىرىنشىلىكتە كلاسسيكالىق پاراشيۋت سپورتىنان جارىستار پاراشيۋتتىك دايارلىق ورتالىعىندا وتەدى. وعان دەسانتتىق-شابۋىلداۋ اسكەرلەرىنىڭ، اۋە قورعانىسى كۇشتەرىنىڭ، 32039 اسكەري ءبولىمىنىڭ، ۇلتتىق ۇلاننىڭ، «وتان» رەسپۋبليكالىق قوعامدىق بىرلەستىگى اەروكلۋبىنىڭ، اۆياسيالىق وڭىرلىك سپورت فەدەراسياسى، قاراعاندى قالاسىنىڭ اۆياسيالىق-قۇتقارۋ پاراشيۋتتىك ورتالىعىنىڭ كوماندالارى قاتىسادى.
جارىسقا حالىقارالىق دارەجەدەگى سپورت شەبەرلەرى، سپورت شەبەرلەرى مەن سپورت شەبەرىنە كانديداتتار، رازريادتى سپورتشىلار قۇرامىندا بارلىعى 14 كوماندا قاتىسادى.
جەكە ەسەپتە قازاقستاننىڭ ءار وڭىرىنەن 13 قاتىسۋشى باعىن سىناماق، ولاردىڭ ىشىندە ۇشەۋى قىز.
جارىسقا قاتىسۋشىلار 900-1200 مەتر بيىكتىكتەن ءدال قونۋ جەكە جانە توپتىق سەكىرۋلەردى، ودان بولەك 2200 مەتر بيىكتىكتەن جەكە اكروباتيكالىق سەكىرۋلەردى ورىندايدى.
چەمپيونات قورىتىندىسىنا قاراي قارۋلى كۇشتەر مەن قازاقستاننىڭ پاراشيۋت سپورتىنان قۇراما كوماندالارى جاساقتالاتىن بولادى. ناتيجەسى 2023 جىلدىڭ 5 تامىزىندا شىعادى.