ۇستەل تەننيسىنەن قازاقستان قۇراماسىنىڭ مۇشەسى كيريلل گەراسيمەنكو پاريج ويىندارىنا قاتىساتىن بولدى. ول وليمپيادالىق سيكل بارىسىنداعى ىرىكتەۋ كەزەڭدەرىندە جيناعان ۇپاي ناتيجەسى بويىنشا وليمپياداعا جولداما يەلەنىپ وتىر، دەپ حابارلايدى اlmaty-akshamy.kz.
حالىقارالىق ۇستەل تەننيسى فەدەراسياسىنىڭ جاڭارعان رەيتينگىندە قازاقستاندىق تەننيسشى قۇرلىقتا جولداما الماعان سپورتشىلار اراسىندا ءبىرىنشى ورىندا تۇر.
گەراسيمەنكو وسىمەن ءۇشىنشى رەت وليمپيادا ويىندارىنا جولداما الىپ وتىر. ول بۇعان دەيىن ريو-2016 جانە توكيو-2020 ويىندارىنا قاتىسقان بولاتىن. الايدا، جۇلدەلى ورىندارعا ىلىنە المادى.
ايتا كەتەيىك، قازىرگى ۋاقىتتا قازاقستان سپورتشىلارى يەلەنگەن جولدامالار سانى 69-عا جەتتى. ونىڭ ىشىندە ەڭ كوپ جولدامانى ەلىمىزدىڭ بوكسشىلارى يەلەنىپ وتىر.