ەندى قىزمەت بابىندا قازا تاپقانداردىڭ وتباسىلارىنا باسپانا بەرىلەدى

ءماجىلىس تۇرعىن ءۇي ساياساتىن رەفورمالاۋ ماسەلەلەرى بويىنشا زاڭدى ەكىنشى وقىلىمدا قابىلدادى.

زاڭدا مەملەكەتتىك نەمەسە قوعامدىق مىندەتتەرىن، اسكەري بورىشىن وتەۋ كەزىندە، ادام ءومىرىن ساقتاپ قالۋ جانە قۇقىقتىق ءتارتىپتى ساقتاۋ كەزىندە قازا تاپقان ادامداردىڭ وتباسىلارىنا تۇرعىن ءۇي بەرۋ ۇسىنىلىپ وتىر، دەپ حابارلايدى Almaty-akshamy.kz El.kz-كە سىلتەمە جاساپ.

جەرگىلىكتى اتقارۋشى ورگاندار وسى ساناتتاعى ازاماتتاردى قىزمەتكەر قايتىس بولعان كۇننەن باستاپ ءبىر جىلدان كەشىكتىرمەي تۇرعىن ۇيمەن قامتاماسىز ەتۋگە مىندەتتى بولادى.

سونىمەن قاتار مەملەكەتتىك قولداۋ شارالارى اياسىندا بەرىلەتىن تۇرعىن ءۇيدىڭ جالپى كولەمىنىڭ كەمىندە 70 پايىزى 1 جانە 2 توپتاعى مۇگەدەكتەرگە، مۇگەدەك بالالارى بار جانە ولاردى تاربيەلەپ وتىرعان وتباسىلارعا، جەتىم بالالار مەن اتا-اناسىنىڭ قامقورلىعىنسىز قالعان بالالارعا، «التىن القا»، «كۇمىس القا» يەگەرلەرى نەمەسە بۇرىن «باتىر انا» اتاعىمەن، سونداي-اق I جانە II دارەجەلى «انا داڭقى» وردەندەرىمەن ماراپاتتالعاندارعا، كوپ بالالى وتباسىلار مەن جەسىرلەرگە بەرىلەدى. بۇل توپقا ۇلى وتان سوعىسى ارداگەرلەرى مەن سولارعا تەڭەستىرىلگەن باسقا دا اسكەري قيمىل ارداگەرلەرى كىرەدى، - دەدى ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ۇلىقبەك تۇماشينوۆ.

دەپۋتاتتىڭ سوزىنشە، بۇدان بولەك حالىقتىڭ الەۋمەتتىك تۇرعىدا از قامتىلعان توپتارىنىڭ ءتىزىمى كەڭەيتىلەدى. «جەسىرلەر» ساناتى جەكە تاۋەلسىز ساناتقا بولىنەدى. تۇزەتۋلەر اسىراۋشىسىنان ايىرىلعانداردىڭ مۇددەلەرىن قورعاۋ ءۇشىن ەنگىزىلىپ جاتىر.