ايجان ابدەت، زاڭگەر:
ازامات بانكتەن نەسيە نەمەسە يپوتەكا الۋعا بارادى. نەسيە الۋشىنىڭ قۇجاتتارى تولىق بولماي، زەينەتاقى قورىنداعى قارجىسى از، اتىندا جەكە مۇلكى، ءۇي مەن كولىك بولمايدى. ازاماتتىڭ اي سايىن نەسيەنى تولەپ تۇرا الاتىنىنا بانك سەنبەيدى. بانك نەسيە الۋشىعا جانىندا كەپىلگەر (گارانت) بولسا عانا نەسيە بەرەمىز دەيدى.
ازامات ءوزىنىڭ تۋىس-تۋعاندارىنا، دوستارىنا كەپىلگەر بولۋىن وتىنەدى. كەپىلگەردىڭ ايلىعى جوعارى، اتىندا مۇلكى بار، نەسيەلىك تاريحى جاقسى بولۋى ءتيىس. كەپىلگەر بانكپەن كەلىسىمگە كەلەدى. نەسيە الۋشىدا بانك الدىنداعى جاۋاپكەرشىلىك قانداي بولسا، كەپىلگەر دە سول جاۋاپكەرشىلىكتى ءوز موينىنا الادى. بىرىنشىدەن، نەسيەنىڭ اي سايىنعى كەستەسىندە باستى بورىشكەر تولەمەسە، كەپىلگەر تولەۋ كەرەك بولادى. ەكەۋى دە قارىزدى تولەي الماي قالعان جاعدايدا، شوتتارى بۇعاتتالادى. بۇل جەردە كەپىلگەر باسىن الىپ قاشا المايدى. سەبەبى، كەپىلگەر رەتىندە كەلىسىمشارتقا قول قويادى.
گارانت بولۋدىڭ سالدارى قانداي؟
ەگەر نەسيە ۋاقىتىندا تولەنبەسە، ونىڭ سالدارى وتە كوپ. بىرىنشىدەن، باسىنا قارىز جازىلادى. ەكىنشىدەن، شوتتارى بۇعاتتالادى. ۇشىنشىدەن، مەملەكەتتەن شىعا المايدى. تورتىنشىدەن، نەسيە الۋشىنىڭ قارىزى سوتقا دەيىن بارسا، بارلىق سوت وتىرىسىنا قاتىسۋعا تۋرا كەلەدى. ويتكەنى، ەكەۋىندە جاۋاپكەرشىلىك بىردەي بولادى. بورىشكەردىڭ نەسيەنى تولەي الاتىنىنا تولىقتاي سەنگەندە عانا كەپىلگەر بولۋ كەرەك.
جۇمىس تاجىريبەمدە نەسيەگە جەر الىپ، كەپىلگەر رەتىندە اناسى قىزىن ۇسىنىپ، كەيىن نەسيەنى تولەي الماي قالعان جاعداي كەزدەستى. قىزى كەپىلگەر بولۋعا زاڭ بويىنشا تولىق تالاپقا ساي. باستى بورىشكەر ۋاقىت وتە كەلە جۇمىستان شىعىپ قالادى دا، نەسيەنى تولەي الماي قالادى. ءسويتىپ، كەپىلگەر قىزىنىڭ شوتتارى بۇعاتتالادى. بانك ايلىعىنان ۇستاپ قالادى. بۇگىندە وسىنداي جاعدايلار ءجيى كەزدەسەدى. مامان رەتىندە مەنەن كەڭەس سۇرادى. امالىن تاۋىپ، شىققان سوت شەشىمى وزگەرتىلدى. سوت ارقىلى نەسيە الۋشىعا اي سايىنعى تولەيتىن سوماسىن ازايتىپ، ىڭعايلى تولەۋ كەستەسىن الىپ بەردىك. ءبىراق سوت ارقىلى ىڭعايلى كەستە الۋعا بولاتىنىنا كەپىل جوق. زاڭ بويىنشا قارىزدان قۇتىلىپ كەتۋ دەگەن نۇسقا جوق. بورىشكەر قارىز الدى ما، تالاپ بويىنشا تولەۋگە مىندەتتى. سوندىقتان، بورىشكەر دە، كەپىلگەر دە اسا مۇقيات بولعانى ءجون.