ەتنيكالىق قازاقتارعا «اتا جولى» كارتاسى بەرىلەدى

ەڭبەك جانە حالىقتى الەۋمەتتىك قورعاۋ مينيسترلىگى ميگراسيالىق ساياساتتىڭ 2023-2027 جىلدارعا ارنالعان كونسەپسياسىن تانىستىردى.

كارتانى وزگە ەلدە تۇراتىن قانداستار الا الادى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ. 

ول ءۇشىن قازاقستان ازاماتتىعىن الۋ دا مىندەتتى ەمەس. ال شەتەلدىك ەڭبەك ميگرانتتارىنا 22 260 كۆوتا ءبولىندى. بۇل ەڭبەك كۇشىنىڭ 4 پايىزىن قۇرايدى. ءقازىر قازاقستاندا 14 مىڭنان استام شەتەل ازاماتى جۇمىس ىستەپ جاتىر. شەتەلگە تابىس تابۋ ماقساتىندا كەتكەن وتانداستارىمىزدىڭ قۇقىعىن جان-جاقتى قورعاۋ جايى دا نازاردا.

«جاڭا ەرەجەگە سايكەس، ۇتقىرلىق سەرتيفيكاتى ەنگىزىلدى. ول دەگەنىمىز جۇمىس بەرۋشى ارقىلى ءۇي ماسەلەسىنىڭ 50 پايىزىن تولەپ بەرۋ، ۇكىمەت تولەپ بەرەدى. سوندا جۇمىس بەرۋشى وڭتۇستىك وڭىرلەردەن جۇمىسشىلاردى الىپ كەلگەن كەزدە ولاردى ىنتالاندىرۋ ارقىلى وسى ماسەلەنى شەشەتىن بولادى. شەتەلدەگى ازاماتتار ەلگە كەلۋ ءۇشىن سىرتقى ىستەر مينيسترلىگىنىڭ شەتەلدەگى ەلشىلىكتەر ارقىلى قۇجاتتارىن تاپسىرادى»،  - دەدى ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى ءتوراعاسىنىڭ مىندەتىن اتقارۋشى ءىلياس يسپانوۆ.