بوستاندىق اۋدانىندا جالپى ۇزىندىعى 28 شاقىرىم بولاتىن 24 كوشە ورتاشا جوندەۋدەن وتەدى. جۇمىس مامىر ايىندا باستالىپ، قاراشا ايىندا اياقتالادى. بۇل تۋرالى قالا اكىمى ەربولات دوسايەۆ قالا تۇرعىندارىمەن كەزدەسۋدە مالىمدەدى، دەپ حابارلايدى اlmaty-akshamy.kz
«جىل باسىنان بەرى اۋدانى 1،7 مىڭ شارشى مەتر 20 كوشەدە شۇڭقىرلاردى جوندەۋ جۇمىستارى جۇرگىزىلدى. وسى باعىتتاعى جۇمىس جالعاسادى. ورتالىقسىزداندىرۋ اياسىندا بيىلعى جىلدان باستاپ جولداردى اعىمداعى جوندەۋدى اۋدان اكىمدىكتەرى جۇرگىزەدى»، - دەدى قالا باسشىسى.
اۋداندا 250 ملن تەڭگەگە جالپى اۋدانى 16،5 مىڭ شارشى مەتر جولدى جوندەۋ جوسپارلانعان. ماۋسىم ايىندا ءال-فارابي داڭعىلىنداعى ەسەنتاي وزەنى ارقىلى وتەتىن كوپىر قايتا جاڭارتىلىپ، ەرەكشە قاجەتتىلىگى بار ادامدار ءۇشىن 2 كوپىر مەن پاندۋستار ورناتىلادى.