پاريجدە 120-حالىقارالىق زاماناۋي ونەر كورمەسى ءوتتى.
Salon d 'Automne (Cالون د’وتومن) دەپ اتالاتىن مادەني ءىس-شارادا الەمنىڭ تۇكپىر-تۇكپىرىنەن كەلگەن مىڭنان اسا ءارتىس ءوز تۋىندىسىن پاش ەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
ونەر كەشىندە قازاقستاندىقتار دا نازاردان تىس قالمادى. اسەل سابىرجان قىزىنىڭ شىعارماشىلىعىمەن الەۋمەتتىك جەلى قولدانۋشىلارى جاقسى تانىس. جاس تالانت يەسى كىلەم ۇستىنە قىلقالاممەن سۋرەت سالادى. پاريجدەگى ونەرسۇيەر قاۋىمعا قۇرالاقان كەلمەگەن. شەبەر ۇلى دالانىڭ باتىل قىزدارىن بەينەلەگەن كىلەم-كارتيناسىن كوپشىلىك نازارىنا ۇسىندى.
«مەنىڭ شىعارماشىلىعىم ەل تاريحىنداعى ۇلى تۇلعالارعا ارنالادى. ءوزىمنىڭ زامانداستارىمدى ەلگە ەڭبەگى سىڭگەن كەيىپكەرلەرمەن تانىستىرسام دەيمىن. سول سەبەپتى تۋىندىلارىمدى الەم دەڭگەيىندە جارىققا شىعارعىم كەلەدى»، - دەيدى سۋرەتشى اسەل سابىرجان قىزى.
كورمە باسشىلىعى اسەلدىڭ كوزتارتار تۋىندىلارىنا ەرەكشە قىزىعۋشىلىق تانىتتى. سول سەبەپتى كەلۋشىلەردىڭ كوز الدىندا فرانسيا ساياساتكەرى ءارى گۋمانيست سيمون ۆەيلدىڭ پورترەتىن بەينەلەۋىن وتىنگەن. ال كارتينا پاريج كورمەسىنە تابىستالادى.
«بۇل كورمەگە كەز كەلگەن ەل سۋرەتشىلەرىنىڭ قاتىسۋ مۇمكىندىگى بار. باستىسى، وعان تىركەلۋدىڭ جولدارىن بىلسە جەتكىلىكتى. قازاقستاندىق قىلقالام شەبەرلەرىنە ەرەكشە باسىمدىق بەرگەن سەبەبىمىز، ەندى ولار دا ءبىزدىڭ سالون جايىندا ءبىلىپ، كورمەگە قاتىسا الادى. بۇل ءار ەلدەگى شىعارماشىلىق يەلەرىن ءبىر ارناعا توعىستىراتىن مازمۇندى ءىس-شارا دەۋگە بولادى»، - Salon D’Automne حالىقارالىق كورمەسىنىڭ پرەزيدەنتى جيل گييوم.
20-عاسىردىڭ باسىندا قالىپتاسقان Salon d’Automne كورمەسى ءاۋ باستا كلاسسيكالىق جانرداعى تۋىندىلارعا عانا ارنالعان. وندا جاڭا يدەيالار ايتىلىپ، ءتۇرلى باعىتتار دارىپتەلدى. ماتيسس، سەزاننا، موديلياني سىندى الەمگە ايگىلى سۋرەتشىلەردىڭ شىعارمالارى كوپشىلىك نازارىنا ۇسىنىلدى. بۇل جولى باعدارلاما اياسىندا قازاقستاندىق ءسان كورسەتىلىمى ۇيىمداستىرىلادى. سونداي-اق اللا يلچۋنگە ارنالعان كىتاپ پەن ءفيلمنىڭ تۇساۋى كەسىلەدى.