قىزىلوردا وبلىسى جالاعاش اۋدانىنىڭ تۇرعىنى كىرپىشتەن كيىز ءۇي تۇرعىزدى، دەپ حابارلايدى almaty-akshamy.kz 24.kz سىلتەمە جاساپ.
ەتنوستيلدەگى ءۇي زاماناۋي تالاپقا ساي كەلەدى. اسحانا، جاتىن بولمەسى بار. ءۇي يەسىنىڭ اتاسى كەزىندە اعاشتان ءتۇيىن تۇيگەن شەبەر بولىپ، كەرەگە، ۋىق، شاڭىراق جاساعان. اۋىلداعى قاراشاڭىراقتىڭ اۋلاسىندا ۇنەمى كيىز ءۇي تۇرعان. شەبەردىڭ ەڭبەگىن اۋىلدىقتار ەرەكشە باعالاپ وتىر.
- جاستار دا قىزىعادى. كەلەشەك ولاردىڭ دا ويىندا بولادى، كەلىپ كورىپ كەتكەندەردىڭ. سالۋعا بولادى ەكەن دەپ. تاڭقالعان كىسىلەر كوپ ەندى. سىرتتان دا كەلىپ كورىپ كەتكەندەر كوپ. ءىشىن ەندى قولدان كەلگەنشە تۇلكىنىڭ تەرىسىن، قاسقىردىڭ تەرىسىن، قازاقتىڭ داستۇرلەرىن ءىلىپ قويعىمىز كەلەدى، - دەيدى كەنجەگۇل ەسپەنبەتوۆا.