اۋىل شارۋاشىلىعى ءمينيسترى ايداربەك ساپاروۆ مالىمدەۋىنشە، كيىك ەتىنىڭ باعاسى ون كۇننەن كەيىن بەلگىلى بولادى، دەپ حابارلايدى aqshamnews.kz
جۋىردا باتىس قازاقستان وبلىسىندا كيىك اۋلاۋ رەسمي تۇردە باستالعان بولاتىن. اۋلانعان كيىك ەتى ارنايى بەلگىلەنگەن ەت وڭدەۋ كاسىپورىندارىنا جەتكىزىلەدى. وسىعان بايلانىستى جۋرناليستەر اشم باسشىسىنان كيىك ەتى حالىققا قانشا تەڭگەدەن ساتىلاتىنىن سۇرادى.
«بۇل جۇمىس ەندى عانا باستالدى، مۇنىمەن ەكولوگيا مينيسترلىگى اينالىسىپ جاتىر. ءبىزدىڭ مىندەت – ەت كومبيناتتارىمەن قامتاماسىز ەتۋ. بۇگىندە وسىنداي 18 كاسىپورىن تىركەلگەن، ول جەردە ۆەتەرينارلار جۇمىس ىستەيدى. ەتتى قانداي باعامەن قابىلدايدى، قالاي ساتادى، لوگيستيكا جاعى – وسىنىڭ ءبارىن ەسەپتەۋ كەرەك. ءبىر اپتا نەمەسە 10 كۇننەن كەيىن ءبىر كەلى ەتتىڭ باعاسىن ايتامىز دەپ ويلايمىن»، دەپ جاۋاپ بەردى ساپاروۆ.