Almaty Polytechnic College-دە سيفرلىق قاۋىپسىزدىككە ارنالعان ەستافەتا ءوتتى، دەپ حابارلايدى aqshamnews.kz.
ينتەرنەت - بۇگىندە تەك اقپارات كوزى عانا ەمەس، ادامدار اراسىنداعى قارىم-قاتىناستىڭ قۋاتتى قۇرالىنا اينالدى. سوندىقتان بالالاردى بۇل كەڭىستىكتە ءقاۋىپسىز، سانالى ءارى جاۋاپتى قولدانۋعا ۇيرەتۋ وتە ماڭىزدى. وسى ماقساتتا قولعا الىنعان "كيبەر تۇمار" ءاقپاراتتىق-بىلىم بەرۋ ناۋقانى بالالاردىڭ سيفرلىق قاۋىپسىزدىگىن ارتتىرىپ، اتا-انالاردىڭ بالا تاربيەسىندە ونلاين اقپاراتپەن جۇمىس ىستەۋ مادەنيەتىن قالىپتاستىرۋعا ىقپال ەتەدى. بۇل باستاما - بۇگىنگى زاماناۋي قاۋىپتەرگە بەرىلەتىن وزەكتى ءارى قاجەت جاۋاپ.
2025 جىلعى 28 مامىردا Almaty Polytechnic College بازاسىندا "قازاقستان بالالارى" رەسپۋبليكالىق اكسياسى جانە الماتى قالالىق ءبىلىم باسقارماسىنىڭ جوسپارى اياسىندا "سيفرلىق ماماندىقتار قالاسى" اتتى مازمۇندى ويىن-ەستافەتا ۇيىمداستىرىلدى.
ءىس-شارانىڭ ماقساتى — وقۋشىلاردى زاماناۋي سيفرلىق ماماندىقتارمەن تانىستىرۋ، ينتەرنەتتەگى قاۋىپ-قاتەرلەردەن قورعانۋ جولدارىن ۇيرەتۋ جانە كيبەرقاۋىپسىزدىك داعدىلارىن دامىتۋ.
شارا بارىسىندا قاتىسۋشىلار سيفرلىق الەمگە ساياحات جاساپ، ينتەرنەت قاۋىپتەرى مەن قورعانۋ ەرەجەلەرىن مەڭگەردى. ءتىپتى ءوز كيبەرقاھارماندارىن بەينەلەپ، تءۇرلى ينتەللەكتۋالدىق جانە پراكتيكالىق تاپسىرمالاردى ورىندادى.
ەستافەتاعا الماتى قالاسى مەن قاراساي اۋدانىنداعى مەكتەپتەردەن 30-دان استام بالا قاتىستى.
وقۋشىلار ءۇش كومانداعا ءبولىنىپ، ۆيرتۋالدى كيبەرقالانى شابۋىلدان قورعاۋعا تىرىستى. ولار "كيبەرقالقان"، "ينتەرنەت گۆاردياسى" جانە "ۆيرتۋالدى ساقشىلار" دەگەن كوماندالارعا توپتاستى.
ەستافەتا قورىتىندىسى بويىنشا «ينتەرنەت گۆاردياسى» كومانداسى جەڭىمپاز اتانىپ، كيبەرقالانىڭ كيبەرقاھارمانى مارتەبەسىنە يە بولدى. ارنايى كۋبوك الماتى سەرۆيس جانە تەحنولوگيالار كوللەدجىنە تابىستالدى.
بارلىق قاتىسۋشىلارعا "ينتەرنەتتىڭ جاس قورعاۋشىسى" بەلگىشەلەرى مەن ەستەلىك سىيلىقتار تابىستالدى.
سيفرلىق الەم — بولاشاقتىڭ كەڭىستىگى. ال ونى قورعاۋشىلار — ءبىلىمدى، باتىل ءارى جاۋاپتى جاس ۇرپاق!