22 مامىردا الماتى قالاسىنىڭ تەرروريزمگە قارسى جەدەل شتابىنىڭ باستاماسىمەن الماتى مەتروپوليتەنىندە تەرروريزمگە قارسى وقۋ-جاتتىعۋ شارالارى وتكىزىلدى، - دەپ حابارلايدى aqshamnews.kz.
وقۋ-جاتتىعۋ كەزىندە مەترو پويىزدارىنىڭ قوزعالىس كەستەسىنە ەشقانداي شەكتەۋلەر ەنگىزىلگەن جوق.
ءىس-شارانىڭ ماقساتى – كەلىسسوز جۇرگىزۋ داعدىلارىن جەتىلدىرۋ، كەپىلگە الىنعان ادامداردى بوساتۋ جانە قىلمىسكەرلەردى زالالسىزداندىرۋ بويىنشا ارنايى وپەراسيا وتكىزۋ.
سونىمەن قاتار، كولىك ينفراقۇرىلىمى نىسانىنىڭ تەرروريزمگە قارسى قورعالۋ جۇيەسى مەن ىقتيمال داعدارىستىق جاعدايلارعا دەن قويۋ مۇمكىندىگى تەكسەرىلدى.
جالپى، وتكىزىلگەن وقۋ-جاتتىعۋ شاراسى تەررورلىق ءقاۋىپ تونگەن جاعدايدا قويىلعان مىندەتتەردى ساپالى ورىنداۋعا جانە مامانداردىڭ كاسىبي دايىندىعىن ارتتىرۋعا وڭ اسەرىن تيگىزدى.