كحدر باسشىسى پارتيا باسشىلىعىمەن ەكونوميكانى تالقىلادى.
سولتۇستىك كورەيا ليدەرى كيم چەن ىن ورتالىق كوميتەتتىڭ پلەنۋمى قارساڭىندا 2021 جىلدىڭ ەكىنشى جارتىسىنا ارنالعان ەكونوميكالىق ساياساتتى تالقىلاۋ ءۇشىن ەڭبەك پارتياسىنىڭ جوعارى لاۋازىمدى تۇلعالارىمەن كونسۋلتاتيۆتىك كەزدەسۋ وتكىزدى، دەپ حابارلايدى Almaty-akshamy interfax.ru اگەنتتىگىنە سىلتەمەلەپ.
«كونسۋلتاتيۆتىك كەڭەستە پارتيانىڭ ورتالىق كوميتەتىنىڭ جالپى وتىرىسى قارساڭىندا وسى جىلدىڭ ەكىنشى جارتىسىنا ارنالعان ساياساتتىڭ نەگىزگى باعىتتارىن ىسكە اسىرۋعا قاتىستى ءاربىر سالاداعى ەگجەي-تەگجەيلى جاعدايعا قارقىندى تەكسەرۋ جۇرگىزىلدى، قاتىسۋشىلار قالىپتاسقان جاعدايدى ەڭسەرۋ ءۇشىن قاجەتتى پراكتيكالىق ماسەلەلەردى تالقىلادى»، - دەپ اتاپ ءوتتى اگەنتتىك.
كيم چەن ىن شەنەۋنىكتەردى ەكونوميكانى جاقسارتۋ ءۇشىن بار كۇشىن سالىپ، جانقيارلىقپەن ەڭبەك ەتۋگە شاقىردى.
«قۇرمەتتى باس حاتشى پارتيانىڭ ورتالىق كوميتەتىنىڭ بارلىق بولىمدەرى، ۇكىمەت مەكەمەلەرى جانە پارتيانىڭ پروۆينسيالىق كوميتەتتەرى ءۇشىن، سونداي-اق پارتيا ورتالىق كوميتەتىنىڭ پلەنۋمىنا بايلانىستى قازىرگى جاعدايداعى جۇمىس پەن زەرتتەۋ باعىتتارىن اتاپ ءوتتى. مەملەكەتتىڭ ەكونوميكالىق جۇمىسىندا جانە حالىقتىڭ ءومىرىن تۇراقتاندىرۋدا پراكتيكالىق وزگەرىستەرگە قول جەتكىزۋ جوسپارى بەكىتىلدى»، - دەپ اتاپ ءوتتى ب ا ق.
كەزدەسۋگە جوعارى لاۋازىمدى تۇلعالار، سونىڭ ىشىندە كحدر مينيسترلەر كابينەتىنىڭ ءتوراعاسى كيم دوك حۋن جانە كپك وك حاتشىسى چو ەن ۆون قاتىستى.
بۇعان دەيىن سولتۇستىك كورەيا ماۋسىمنىڭ باسىندا بيلەۋشى پارتيانىڭ ورتالىق كوميتەتىنىڭ پلەنارلىق وتىرىسىن وتكىزەتىنىن مالىمدەدى.
مامىر ايىنىڭ باسىنان بەرى كورىنبەي كەتكەن كيم چەن ىن 5 ماۋسىمدا كوپشىلىك الدىنا شىقتى. 2020 جىلدىڭ كوكتەمىندە ول 20 كۇن بويى «جوعالىپ كەتتى»، بۇل ونىڭ سىرقاتتانىپ قالۋى نەمەسە ءتىپتى قايتىس بولۋى تۋرالى قاۋەسەتتەردى، سونداي-اق كوروناۆيرۋستان جاسىرۋعا تىرىسۋدىڭ نۇسقاسىن تۋدىردى. الايدا، 2 مامىردا ول تىڭايتقىشتار شىعاراتىن جاڭا زاۋىتتى سالتاناتتى تۇردە اشتى.