سيفرلىق دامۋ – ساندىق شەشىمدەردى ەنگىزۋ دەڭگەيىنىڭ نەگىزگى كورسەتكىشى.
8 ماۋسىمدا وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى سيفرلاندىرۋ باسقارماسىنىڭ باسشىسى بايان قوڭىربايەۆ پەن International Data Corporation (IDC) حالىقارالىق اقپاراتتىق-تالداۋ اگەنتتىگىنىڭ ۆيسە-پرەزيدەنتى اندرەي بەكلەميشيەۆ ءتورت جىل ىشىندە «كونيۋنكتۋرادان» «قايتالانۋعا» دەيىن وسكەن «سيفرلىق دامۋ» دەڭگەيى تۋرالى ايتتى، دەپ حابارلايدى Akamty-akshamy.kz.
ايتا كەتەرلىگى، سيفرلىق دامۋ – ساندىق شەشىمدەردى ەنگىزۋ دەڭگەيىنىڭ نەگىزگى كورسەتكىشى.
«سيفرلىق ترانسفورماسيا – بۇل جاھاندىق وزگەرىس. ونىڭ باستى مىندەتى – سيفرلىق دامۋدىڭ بارلىق سالادا جوعارى دەڭگەيدە بولۋى. سوندىقتان سيفرلىق ترانسفورماسيا پروسەسى ءساتتى بولادى»، – دەدى بايان قوڭىربايەۆ.
ول الماتىنىڭ وسى باعىتتا دامۋعا كومەكتەسەتىن «اقىلدى قالا» باعدارلاماسىن ىسكە اسىرعانىن اتاپ ءوتتى.
وكق الاڭىنداعى بريفينگتە بايان قوڭىربايەۆ International Data Corporation (IDC) حالىقارالىق اقپاراتتىق-تالداۋ اگەنتتىگىنىڭ الماتىنىڭ «اقىلدى قالا» رەتىندە جەتىلگەنىن باعالاعانىن ايتتى.
«IDC ءادىسناماسى 5 ولشەم بويىنشا 19 كريتەرييدى قامتيدى: پايىمداۋ، مادەنيەت، پروسەستەر، تەحنولوگيالار، دەرەكتەر. قورىتىندى باعا ءار كريتەريي ءۇشىن اريفمەتيكالىق ورتا رەتىندە ەسەپتەلەدى جانە 0-دەن 5-كە دەيىن وزگەرەدى»، – دەپ ءتۇسىندىردى اندرەي بەكلەميشيەۆ.
باعالاۋ ناتيجەلەرى بويىنشا 2021 جىلى الماتى 5 بالدان 2.7 بالل جينادى. 2017 جىلمەن سالىستىرعاندا، قالا «كونيۋنكتۋرالىق» (opportunistic) دەڭگەيىنەن «قايتالاناتىن» (Repeatable) دەڭگەيىنە اۋىسىپ، ناتيجەنى جاقسارتتى.
اندرەي بەكلەميشيەۆ بۇل كورسەتكىشكە قانداي فاكتور سەبەپ بولعانىن ايتتى.
سوڭعى 4 جىلداعى جەتىستىكتەر تۋرالى ايتا كەلە، بايان قوڭىربايەۆ الەمدەگى بىردە ءبىر قالا 5.0 دەڭگەيىنە جەتپەگەنىن ايتتى. ازيا وڭىرىندە سينگاپۋر (5.0 دەڭگەيىنە جاقىندادى)، سەۋل، دۋباي، يوكوگاما جوعارى ناتيجەلەر كورسەتتى. ەۋروپادا - لوندون (4 دەڭگەي)، امستەردام، بارسەلونا. تمد ايماعىندا ماسكەۋ كوش باستاپ تۇر (3 پەن 4 دەڭگەي اراسىندا).
الماتى بۋداپەشت، تاشكەنت جانە باكۋدەن وزىپ، تمد-مەن شىعىس ەۋروپا وڭىرلەرىندە جەتەكشى قالالار توبىنا ەندى.
