ەلدە بولۋ ەرەجەلەرىن ساقتاماعانى ءۇشىن شەتەلدىك ازاماتتار قازاقستاننان قۋىلدى.
پوليسەيلەر شەتەلدىكتەردىڭ قازاقستان رەسپۋبليكاسىندا بولۋ ەرەجەلەرىن بۇزۋشىلىقتارىن انىقتاۋ ماقساتىندا الماتىدا «كەلىمسەك» جالپىرەسپۋبليكالىق جەدەل الدىن الۋ ءىس-شاراسىن باستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتى حابارلاعانداي، ءىس-شارا 7 ماۋسىمدا باستالىپ، 16 ماۋسىمدى قوسا العانعا دەيىن جالعاسادى.
مامانداردىڭ ايتۋىنشا، اتالمىش شارا شەتەلدىكتەردىڭ قازاقستانداعى قۇقىقتىق مارتەبەسىن رەتتەۋگە باعىتتالعان.
«ءجاى-نىڭ العاشقى كۇنىنىڭ قورىتىندىسى بويىنشا، شاھاردا بارلىعى 166 كوشى-قون زاڭناماسىن بۇزۋشى انىقتالدى جانە اكىمشىلىك جاۋاپكەرشىلىككە تارتىلدى، 16 شەتەلدىك قازاقستان رەسپۋبليكاسىنان شىعارىلدى. قازاقستان رەسپۋبليكاسىندا بولۋ ەرەجەلەرىن بۇزعانى ءۇشىن 86 شەتەلدىك جاۋاپكەرشىلىككە تارتىلدى. شەتەلدىكتەردىڭ قازاقستان رەسپۋبليكاسىندا بولۋ زاڭدىلىعىن قامتاماسىز ەتۋ جونىندەگى شارالاردى قابىلداماعانى ءۇشىن وتانداستارىمىزدىڭ ىشىنەن 72 قابىلداۋشى جاۋاپكەرشىلىككە تارتىلدى. ق ر شەتەلدىك جۇمىس كۇشىن تارتۋ ەرەجەلەرىن بۇزعانى ءۇشىن 8 جۇمىس بەرۋشى جاۋاپكەرشىلىككە تارتىلدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.