الماتىدا سوت شەشىمى بويىنشا KHAN تۇرعىن ءۇي كەشەنى سۇرىلەدى، دەپ حابارلايدى Almaty-akshamy.kz
الماتىنىڭ قالا قۇرىلىسىن باقىلاۋ باسقارماسى زاڭسىز تۇرعىن ءۇي كەشەنىن ءسۇرۋدىڭ باستالعانى تۋرالى حابارلادى.
الماتى اكىمدىگى مەن قالالىق سىبايلاس جەمقورلىققا قارسى قىزمەتتىڭ بىرلەسكەن جۇمىسى اياسىندا تاۋلى جەرلەردە زاڭ تالاپتارى مەن قۇرىلىس نورمالارىنا مۇلدەم ساي كەلمەيتىن سالىنىپ جاتقان 52 نىسان انىقتالدى. سولاردىڭ ءبىرى – ۆيتەبسكايا كوشەسى، 44/3،44 ا مەكەنجايدا ورنالاسقان KHAN تۇرعىن ءۇي كەشەنى.
بۇل نىساندى «Tennis.kz» ج ش س سالعان، ەسكيزدىك جوبا كەلىسىلمەگەن، اۆتورلىق جانە تەحنيكالىق قاداعالاۋ، ساراپتاما قورىتىندىسى جوق، قۇرىلىس-مونتاج جۇمىستارىنىڭ باستالعانى تۋرالى حاباردار ەتپەگەن.
تاپسىرىس بەرۋشىگە قاتىستى باسقارما اقبتك - ءنىڭ 316-بابى 1-بولىگى، 321، 462-بولىگى بويىنشا شارالار قابىلدادى، سونداي-اق اعىمداعى جىلدىڭ 28 ساۋىرىندە الماتى قالاسىنىڭ سمەس - نا كەشەندى ءسۇرۋ جونىندە تالاپ ارىز بەردى.
سوت تالقىلاۋلارى اياقتالعاننان كەيىن 2023 جىلعى 24 قازاندا الماتى قالالىق سوتىنىڭ قاۋلىسىمەن وبەكتىنى بۇزۋ تۋرالى ءبىرىنشى ساتىداعى سوتتىڭ شەشىمى وزگەرىسسىز قالدى.
زاڭسىز وبەكتىنى بۇزۋ ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن جۇرگىزىلەدى.
ايتا كەتەرلىگى، تاعى 19 نىسان بويىنشا تولىق نەمەسە ءىشىنارا بۇزۋ، ۋچاسكەنى باستاپقى كۇيىنە كەلتىرۋ جانە نۇسقامانى ماجبۇرلەپ ورىنداۋ تۋرالى سوت شەشىمدەرى زاڭدى كۇشىنە ەندى.