2023 جىلى الماتى كوشەلەرىندە 3،9 مىڭنان استام جول بەلگىسى ورناتىلىپ، اۋىستىرىلدى، دەپ حابارلايدى Almaty-akshamy.kz الماتى قالالىق موبيلدىلىك باسقارماسىنا سىلتەمە جاساپ.
الماتىدا جول قوزعالىسى قاۋىپسىزدىگىن ارتتىرۋ، كولىكتىڭ وتكىزۋ قابىلەتىن قامتاماسىز ەتۋ جانە جاياۋ جۇرگىنشىلەردىڭ قوزعالىسىن رەتتەۋ بويىنشا كەشەندى جۇمىس جۇرگىزىلىپ جاتىر.
كولىك جۇرگىزۋشىلەرىنە تۇنگى ۋاقىتتا كورىنۋى ءۇشىن 2023 جىلى 95 رەتتەلمەيتىن جاياۋ جۇرگىنشىلەر وتكەلىندە قىزعىلت سارى جيەكتەرى بار جول بەلگىلەرى اۋىستىرىلدى. سونىمەن قاتار، 102 كوشەدە ەكى باعىتتاعى جولدارداعى كولىكتىڭ ورتاسىن بولەتىن جالپى اۋدانى 264 280 شارشى مەتر جول تاڭباسى سىزىلعان. 796 جاياۋ جۇرگىنشىلەر وتكەلىندە "جاياۋ جۇرگىنشىلەر وتكەلى" جول بەلگىلەرى سىزىلعان.
بالالار قاۋىپسىزدىگىن قامتاماسىز ەتۋگە دە ەرەكشە نازار اۋدارىلادى. ءقازىر بالالار قاۋىپسىزدىگىن قامتاماسىز ەتۋ جانە ولاردىڭ جاراقاتتانۋىنا جول بەرمەۋ ءۇشىن جاقىن ماڭداعى 80 جالپى ءبىلىم بەرۋ مەكەمەسىندە مەتالل قورشاۋمەن قورشالدى.
بۇعان قوسا، جول قوزعالىسىنا قاتىسۋشىلاردىڭ نازارىن اۋدارۋ ءۇشىن 3 مىڭنان استام جول بەلگىسى ورناتىلىپ، 900-گە جۋىق "ەڭ جوعارى جىلدامدىقتى شەكتەۋ"، "نازار اۋدارىڭىز، بالالار"، "جاياۋ جۇرگىنشىلەر" جانە ت.ب. اقپاراتتىق-كورسەتكىشتىك پانەلدەر اۋىستىرىلدى.
سونىمەن قاتار، جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ءۇشىن بيىل 15 باعدارشام مەن 40 رەتتەلەتىن جاياۋ جۇرگىنشىلەر وتكەلىن (ءوتۋ تۇيمەسى بار باعدارشام) سالۋعا جوبالاۋ-سمەتالىق قۇجاتتاما ازىرلەۋ جوسپارلانىپ وتىر.