كەز كەلگەن الماتىلىق قالانى اباتتاندىرۋ يدەياسىنىڭ اۆتورى بولا الادى

ول ءۇشىن جوبانىڭ budget.open-almaty.kz سايتىندا تىركەلۋ قاجەت.

وتىنىمدەر 20 شىلدەگە دەيىن قابىلدانادى، دەپ حابارلايدى Almaty-akshamy.kz

اۋلالاردى اباتتاندىرۋ، ساياباقتار مەن سكۆەرلەر قۇرۋ، سپورت الاڭدارىن نەمەسە كوشەلەردى جارىقتاندىرۋ. قالا تۇرعىندارىنىڭ وسى جانە باسقا دا يدەيالارى بيۋدجەت قاراجاتى ەسەبىنەن اتالعان جوبا اياسىندا جۇزەگە اسىرىلۋدا.

ۇسىنىس 8 ساناتتىڭ بىرىنە سايكەس كەلۋى كەرەك: 1) اۋماقتى كوگالداندىرۋ؛ 2) تروتۋارلاردى اباتتاندىرۋ؛ 3) تروتۋارلاردى، پاندۋستاردى، ارىقتاردى سالۋ جانە جوندەۋ؛ 4) ورتاق پايدالانىلاتىن ورىنداردى (ساياباقتار، سكۆەرلەر، جاياۋ جۇرگىنشىلەر ايماقتارى جانە وزگە دە وبەكتىلەر) قۇرۋ، جوندەۋ جانە جارىقتاندىرۋ؛ 5) جيەكتەردى، كەسپە تاستاردى، تىرەۋىش قابىرعالاردى جوندەۋ؛ 6) قوقىس تاستايتىن جەرلەردى جويۋ؛ 7) بالالارعا ارنالعان ويىندار مەن ەرەسەكتەردىڭ دەمالىسىنا ارنالعان لاشىقتاردى، ورىندىقتاردى، ۋرنالاردى، جابدىقتار مەن قۇرىلىمداردى ورناتۋ جانە جوندەۋ؛ 8) اۋلا اۋماقتارىندا جانە جالپى پايدالانۋ ورىندارىندا سپورتتىق (جاتتىعۋ الاڭدارىن، فۋتبول، باسكەتبول، ۆولەيبول الاڭدارىن)، بالالاردىڭ ويىن الاڭدارىن ورناتۋ، جوندەۋ جانە جارىقتاندىرۋ.