فابريكالار ءبىر جۇمىرتقا ءۇشىن 3 تەڭگە مولشەرىندە سۋبسيديا الۋعا ءوتىنىم بەرە الادى.
شىلدەنىڭ بىرىنەن باستاپ قازاقستانداعى قۇس فابريكالارى ءبىر جۇمىرتقا ءۇشىن 3 تەڭگە مولشەرىندە سۋبسيديا الۋعا ءوتىنىم بەرە الادى، دەپ حابارلادى Almaty-akshmy.kz.
اۋىل شارۋاشىلىعى مينيسترلىگىنىڭ مالىمەتىنشە، اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى سۋبسيديالاۋ قاعيدالارىنا تاعامدىق جۇمىرتقانى سۋبسيديالاۋدى قوسۋ تۋرالى وزگەرىستەر مەن تولىقتىرۋلار ەنگىزىلدى.
قاعيدالار 2022 جىلدىڭ 30 ماۋسىمدا رەسمي جاريالانعاننان كەيىن، 10 كۇنتىزبەلىك كۇن وتكەن سوڭ قولدانىسقا ەنگىزىلەدى.
«وسىلايشا، وتاندىق جۇمىرتقا باعىتىنداعى قۇس فابريكالارى 1 شىلدەدەن باستاپ، ءبىر جۇمىرتقا ءۇشىن 3 تەڭگە مولشەرىندە سۋبسيديا الۋعا ءوتىنىم بەرە الادى. بيىل تاعامدىق جۇمىرتقانى سۋبسيديالاۋعا رەسپۋبليكالىق بيۋدجەتتەن 6،5 ملرد تەڭگە ءبولىندى»، - دەلىنگەن اشم باسپا ءسوز قىزمەتىنىڭ حابارلاماسىندا.
2021 جىلى جۇمىرتقا قۇس شارۋاشىلىعىن قولداۋعا 4،3 ملرد تەڭگە باعىتتالدى.
2022 جىلعى 1 مامىرداعى جاعداي بويىنشا، وتكەن جىلدىڭ سايكەس كەزەڭىمەن سالىستىرعاندا، قازاقستاندا قۇستاردىڭ سانى 3،7% - 47،1 ملن باسقا دەيىن ءوستى.
تاۋىق جۇمىرتقاسىنىڭ ءوندىرىسى 12،1% ارتىپ، 1559،5 ملن دانانى قۇرادى.
ىشكى نارىقتىڭ تاعامدىق جۇمىرتقامەن قامتاماسىز ەتىلۋى 100% قۇرايدى.