"نۇرلى تاۋ" شاعىناۋدانىندا اعاشتاردى كەسۋ تۋرالى اقپارات
"نۇرلى تاۋ" شاعىناۋدانى، 46 ءۇي مەكەنجايىنداعى اعاشتاردى كەسۋ فاكتىسى بويىنشا مىنانى حابارلايمىز.
الماتى قالاسى ەكولوگيا جانە قورشاعان ورتا باسقارماسىنىڭ ماماندارى وسى مەكەنجايداعى اۋماقتى تەكسەرۋ كەزىندە 63 جەمىس اعاشىن كەسۋ فاكتىسىن انىقتادى. كەسۋ رۇقسات قۇجاتتارىنسىز جۇرگىزىلگەن. سوندىقتان ءتيىستى تەكسەرۋ اكتىسى جاسالدى.
زاڭسىز ارەكەتتەردەن كەلتىرىلگەن زالال 1060 اەك (3 657 000 تگ) مولشەرىندە انىقتالدى. بۇدان باسقا، كىنالىلەردىڭ وتەم اعاشتار وتىرعىزۋلارى ءتيىس ەكەندىگى دە قاراستىرىلعان. دەمەك، وتەمدىك اعاش وتىرعىزۋ كولەمى الماتى قالاسىنىڭ جاسىل جەلەكتەرىن كۇتىپ-ۇستاۋ جانە قورعاۋ ەرەجەلەرىنە سايكەس 3150 اعاشتى قۇرايدى ءارى ولاردىڭ بيىكتىگى كەمىندە 2،5 مەتر.
وسى فاكت بويىنشا قولدانىستاعى زاڭناما اياسىندا ودان ءارى قاراي ءتيىستى شارالار قابىلداۋ ءۇشىن الماتى قالاسىنىڭ پوليسيا دەپارتامەنتىنە جانە الماتى قالاسىنىڭ مامانداندىرىلعان تابيعات قورعاۋ پروكۋراتۋراسىنا حات جولداندى.
الماتى قالاسىنىڭ ەكولوگيا جانە قورشاعان ورتا باسقارماسى