قازاقشا ءمازىر سۇراعانداردى "فاشيست" دەپ ايىپتاعان ءدامحانا باسشىلىعى كەشىرىم سۇرادى، دەپ حابارلادى Almaty-akshamy.kz. Qaz365.kz-كە سىلتەمە جاساپ.
"قۇرمەتتى "دينارا" كافەسىنىڭ قوناقتارى! مەنىڭ تاراپىمنان بولعان تۇسىنىسپەۋشىلىك پەن ايتىلعان سوزدەرىم ءۇشىن كەشىرىم سۇرايمىن. ىستەگەن ارەكەتىمدى اقتاپ الاتىن ەش سەبەپ جوق ەكەنىن تۇسىنەمىن جانە سول ءۇشىن قاتتى وكىنەمىن. الداعى ۋاقىتتا مۇنداي جاعداي قايتالانبايدى دەپ ۋادە بەرەمىن!" - دەيدى ءدامحانا قىزمەتكەرى بەينەجازبادا.
"قىزمەتكەرىمىزدىڭ تەرىس قىلىعى مەن ايتقان ءسوزى ءۇشىن كەشىرىم سۇرايمىز، وعان قاتىستى ءتيىس شارا قولدانامىز. بىزدە ەكى تىلدە قىزمەت كورسەتىلەدى. وسى وقيعادان ءبىر اپتا بۇرىن اس ءمازىرىن ەكى تىلدە دايىنداۋعا باسپاعا تاپسىرىس بەرىلگەن بولاتىن. دالەل رەتىندە تاپسىرىس بەرگەن باسپاعا ءتيىستى مالىمەتتەردى ۇسىنا الامىز"، - دەلىنگەن كافە باسشىلىعىنىڭ جازباشا تۇسىنىكتەمەسىندە.