وتەماقى دەپوزيتتە 2022 جىلدىڭ 23 اقپانىنان 2023 جىلدىڭ 23 اقپانىنا دەيىنگى ارالىقتا دەپوزيتتە بولعان ەڭ از قالدىق اقشاعا ەسەپتەلەدى.
قازاقستاننىڭ دەپوزيتتەرگە كەپىلدىك بەرۋ قورى (قدكبق) دەپوزيتتەر بويىنشا وتەماقى تولەۋگە ءوتىنىش قابىلداۋ 5 كۇننەن سوڭ اياقتالاتىنىن ەسكە سالدى، دەپ حابارلايدى Almaty-akshamy.kz.
«10 اقپاننان كەيىن وتىنىشتەر قابىلداۋ اۆتوماتتى تۇردە اياقتالادى»، - دەدى قازاقستاننىڭ دەپوزيتتەرگە كەپىلدىك بەرۋ قورىنان.
سوڭعى دەرەكتەر بويىنشا 2023 جىلدىڭ 3 اقپانىنا قاراي، بانكتەر دەپوزيتتەر بويىنشا وتەماقى (سىيلىقاقى) تولەۋگە سالىمشىلاردان 306،2 ملرد تەڭگەگە وتىنىشتەر قابىلدادى. بۇل وتەماقىنىڭ الەۋەتتى سوماسىنىڭ 92،9% قۇرايدى.
«قانداي دا ءبىر سەبەپتەرمەن ءوتىنىش بەرمەگەن سالىمشىلاردى مەملەكەت بەرەتىن ءبىرجولعى سىيلىقاقىنى الۋعا ءوتىنىش بەرۋگە شاقىرامىز. بۇل ءۇشىن سالىمشى دەپوزيتى اشىلعان بانككە جۇگىنۋى ءتيىس. مۇنى سوڭعى كۇنىن قوسا العاندا وسى جىلدىڭ 10 اقپانىنا دەيىن بانكتەردىڭ بولىمشەلەرىندە نەمەسە موبيلدىك قوسىمشا ارقىلى ونلاين تۇردە جاساۋعا بولادى. بانكتەر سىيلىقاقىنى 2023 جىلدىڭ 23 اقپانىنان كەيىن تولەي باستايدى. وسى رەتتە وتەماقى سالىم بويىنشا بانكتەر تولەيتىن پايىزدىق سىياقى مولشەرلەمەسىنىڭ ۇستىنەن قوسىمشا ەسەپتەلەتىندىگىن اتاپ وتكىم كەلەدى»، - دەيدى قدكبق ءتوراعاسىنىڭ ورىنباسارى الماس قۇدايبەرگەنوۆ.
وتەماقى دەپوزيتتە 2022 جىلدىڭ 23 اقپانىنان 2023 جىلدىڭ 23 اقپانىنا دەيىنگى ارالىقتا دەپوزيتتە بولعان ەڭ از قالدىق اقشاعا ەسەپتەلەدى.