قۇس ەتىنە سۋ قوسىپ ساتاتىندار ايىپپۇل ارقالايدى

ەلىمىزدە قۇس ەتىن مۇزداتقاندا سۋ قوسۋعا قاتاڭ تىيىم سالىندى.

جاڭا ەرەجە قولدانىسقا ەندى. بۇل تۋرالى تەحنيكالىق رەتتەۋ جانە مەترولوگيا كوميتەتىنىڭ ءتوراعاسى قۋانىش ەلىكبايەۆ مالىمدەدى، دەپ حابارلايدى Almaty-akshamy.kz 24.kz-كە سىلتەمە جاساپ. 

مۇزداتىلعان ەتتى ەرىتۋ كەزىندە ودان بولىنەتىن سۋدىڭ بەلگىلى نورماسى بار. ول 4%-دان اسپاۋى كەرەك. سونىمەن قاتار وڭدەلگەن قۇس ەتىنە فوسفات پەن تاعام ءدامىن كۇشەيتكىش اعزاعا زياندى زاتتاردى قوسۋعا قاتاڭ تىيىم سالىنعان. ەرەجەگە باعىنباعاندارعا 600 مىڭ تەڭگەگە دەيىن ايىپپۇل سالىنۋى مۇمكىن. بۇل ءبىزدىڭ عانا ەمەس، ارمەنيا، بەلارۋس، قىرعىزستان جانە رەسەي ەلدەرى قولداناتىن ءبىرىڭعاي ستاندارت، - دەيدى كوميتەت ءتوراعاسى.

«تۇتىنۋشىلار دۇكەننەن مۇز قاتقان قۇس ەتىن ساتىپ الىپ، ونى ەرىتەدى. كەيدە ەتتىڭ جارتىسى سۋمەن تولتىرىلعانى بەلگىلى بولىپ جاتادى. بۇدان بىلاي كاسىپكەرلەرگە قاتاڭ تىيىم سالىناتىن بولادى. ءتىپتى مەرزىمى وتكەن قۇس ەتىنە تاماق ءدامىن كۇشەيتەتىن كونسەرۆانتتاردى قوساتىندار دا بار. ءبىراق، جاڭا ەرەجەگە سايكەس، ەندى مۇنداي جاعداي ورىن الماۋى ءتيىس. ايتپەسە، ايىپپۇل سالىناتىن بولادى»، - دەيدى ق ر سيم تەحنيكالىق رەتتەۋ جانە مەترولوگيا كوميتەتىنىڭ ءتوراعاسى قۋانىش ەلىكبايەۆ.