الماتى اۋەجايىندا «بومبا» قويىلدى دەگەن اقپارات راستالمادى
الماتى حالىقارالىق اۋەجايى باسپا ءسوز قىزمەتىنىڭ مالىمەتىنشە، «جارىلعىش زات» تۋرالى اقپارات جالعان بولىپ شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اۋە كەمەسىنە «بومبا» قويىلدى دەگەن اقپارات تۇسە سالىسىمەن، توتەنشە جاعداي جوسپارى بويىنشا كەشەندى تەكسەرۋ جۇرگىزىلدى. اقپارات راستالمادى. اۋەجاي قالىپتى رەجيمدە جۇمىس ىستەپ تۇر»، - دەپ حابارلادى اۋەجايدىڭ باسپا ءسوز قىزمەتىنەن.
بۇعان دەيىن قالانىڭ شۇعىل جەدەل قىزمەتتەرى الماتى حالىقارالىق اۋەجايىن تەكسەرۋگە جۇمىلدىرىلعان ەدى.
ءساۋىردىڭ 14 كۇنى الماتى اۋەجايىنىڭ ەلەكتروندى پوشتاسىنا مينسك-الماتى باعىتىنداعى ۇشاق بورتىنا جارىلعىش زات قويىلعانى تۋرالى اقپارات تاراعان بولاتىن.