بۇگىن بيزنەس-يدەيالار گرانتىنا ءوتىنىش قابىلداۋ باستالدى

گرانت سوماسى 400 اەك-كە تەڭ.

ءار قاتىسۋشى ونى تەك ءبىر رەت الا الادى، دەپ حابارلايدى Almaty-akshamy.kz

بيزنەس-يدەيالاردى ىسكە اسىرۋ ءۇشىن business.enbek.kz پورتالىندا 15 مامىردان باستاپ گرانتقا ءوتىنىم قابىلداۋ باستالدى.

رەسپۋبليكا بويىنشا ەكىنشى لەكتە 2 697 ادامعا گرانت بەرۋ جوسپارلانىپ وتىر. گرانت سوماسى 400 اەك-كە تەڭ. ءار قاتىسۋشى ونى تەك ءبىر رەت الا الادى. گرانت قاراجاتى ءىسىن جاڭا باستاعان كاسىپكەرلەرگە وزدەرىنىڭ بيزنەس الەۋەتىن اشۋعا، ءوندىرىستى جولعا قويۋعا جانە دامىتۋعا، سول ارقىلى ءوزىن تۇراقتى تابىسپەن قامتاماسىز ەتۋگە مۇمكىندىك بەرەدى.

قانداي قۇجات كەرەك؟

ءوتىنىم بەرۋ ءۇشىن:
پورتالدا تىركەلۋ؛

گرانت الۋ شارتتارىنا سايكەستىگىنە تەكسەرۋدەن ءوتۋ؛

بيزنەس-جوسپار ۇلگىسىن جۇكتەپ الىپ، ونى تولتىرۋ جانە پورتالعا ەنگىزۋ؛

ءوتىنىش نىسانىن تولتىرۋ جانە ەسق كىلتىمەن قول قويۋ قاجەت.

ينتەرنەتكە نەمەسە كومپيۋتەرگە قولجەتىمدىلىك بولماعان جاعدايدا حالىققا قىزمەت كورسەتۋ ورتالىقتارىندا ءوتىنىم بەرۋگە بولادى. سونداي-اق، "باستاۋ بيزنەس" جوباسى بويىنشا كاسىپكەرلىك نەگىزدەرىنە وقىتۋ تۋرالى 3 جىلدان اسپايتىن مەرزىمگە سەرتيفيكاتى بولۋى ءتيىس.