كەربۇلاق اۋدانىندا تىگىن سەحى اشىلدى

ءوڭىردىڭ الەۋمەتتىك ءالجۋاز ساناتتاعى تۇرعىندارىن جۇمىسپەن قامتۋدى ماقسات ەتىپ وتىر

كەربۇلاق اۋدانىندا كاسىپكەر تىگىن سەحىن اشتى.  مۇندا ول ايىنا 20 ملن تەڭگەنىڭ ءونىمىن ءوندىرۋدى جوسپارلاپ وتىر. كاسىپورىندا 20 جۇمىس ورنى قۇرىلىپ، وعان 5 ملن تەڭگە ينۆەستيسيا سالىنعان،  دەپ حابارلايدى Almaty-akshamy.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ. 

سەح زاماناۋي تىگىن قۇرال-جابدىقتارىمەن قامتىلعان، مۇندا مەديسينادا قولدانىلاتىن ءبىر رەتتىك بۇيىمدار، سول سياقتى ساپالى ماتەريالدان ارنايى كيىمدەر تىگىلەدى.  

تىگىن فابريكاسىنىڭ ديرەكتورى جارىلقاسىن بولات ۇلىنىڭ ايتۋىنشا، ول مۇنداي فيليالداردى وبلىستىڭ ءار اۋدان، قالالارىندا اشۋدى جوسپارلاپ وتىر.  

- بۇل ءبىزدىڭ العاشقى فيليالىمىز. ءقازىر ءبىزدىڭ ەكسپورتقا، سونىڭ ىشىندە رەسەيگە جىبەرۋگە دايىندايتىن تاپسىرىستارىمىز كوپ. ونى ورىنداۋعا ءبىر عانا تالدىقورعانداعى تىگىن فابريكاسىنىڭ كۇشى جەتپەيدى. سوندىقتان وبلىستىڭ ءار اۋدانىندا فيليالدار اشىپ، سول ءوڭىردىڭ الەۋمەتتىك ءالجۋاز ساناتتاعى تۇرعىندارىن جۇمىسپەن قامتۋدى ماقسات ەتىپ وتىرمىز، – دەيدى ج. بولات ۇلى. 

سارىوزەكتەگى تىگىن فابريكاسىنىڭ ايىنا ءبىر رەتتىك كيىمنىڭ (مەديسينالىق بەتپەردە، حالات، كومبينەزوندار) 50 مىڭ داناسىن، 1 مىڭ ارنايى كيىم جيىنتىعىن تىگۋگە مۇمكىندىگى بار.