2026 جىلعا دەيىنگى ينۆەستيسيالىق ساياساتى تۇجىرىمداماسى بەكىتىلدى
الماتىدا بۇۇ-نىڭ ورتالىق ازيا ەكونوميكالارىنا ارنالعان ارنايى باعدارلاماسىنىڭ (سپەكا) ەكى كۇندىك فورۋمى ءوز جۇمىسىن باستادى، دەپ حابارلايدى Almaty-akshamy.kz.
ءىس-شاراعا قازاقستان، ءازىربايجان، قىرعىزستان، تۇرىكمەنستان، وزبەكستان، تاجىكستان جانە حالىقارالىق ۇيىمداردىڭ وكىلدەرى قاتىستى.
وتىرىس بارىسىندا قاتىسۋشىلار كولىك باعىتتارىن ءارتاراپتاندىرۋ، سيفرلىق ترانسفورماسيا، ايەلدەردىڭ مۇمكىندىكتەرىن كەڭەيتۋ، سونداي-اق تۇراقتى ەنەرگەتيكاعا كوشۋ ماسەلەلەرىن تالقىلادى.
فورۋمنىڭ اشىلۋىندا ق ر ۇلتتىق ەكونوميكا ءمينيسترى الىبەك قۋانتىروۆ ءسوز سويلەدى. ول ءىس-شارانى ۇيىمداستىرۋشىلار مەن قاتىسۋشىلارعا ءوز العىسىن ءبىلدىرىپ، سپەكا باعدارلاماسى قازاقستاندا وڭىرلىك ىنتىماقتاستىقتى دامىتۋداعى كاتاليزاتورلاردىڭ ءبىرى رەتىندە قاراستىرىلاتىنىن اتاپ ءوتتى.
«ءبىزدىڭ ماقسات - ساۋدا-ەكونوميكالىق قاتىناستاردى، ادامي كاپيتالدى دامىتۋ، جاڭا وندىرىستەر قۇرۋ جانە ينۆەستيسيالار تارتۋ»، - دەپ اتاپ ءوتتى ءا.قۋانتىروۆ.
مينيستر سونداي-اق سپەكا ەلدەرىنىڭ الەۋەتىن پايدالانۋ قاجەتتىگىن ەسكە سالىپ، ساۋدا-ەكونوميكالىق حابتاردىڭ ترانسشەكارالىق جەلىسىن ىسكە قوسۋدى ۇسىندى.
سونىمەن قاتار، ۇەم باسشىسى ق ر دامۋىنىڭ باسىم باعىتتارى، بيزنەستى قولداۋ جانە تۇراقتى دامۋ ماقساتتارىنا قول جەتكىزۋ جونىندەگى شارالار تۋرالى ايتتى.
«ۇكىمەت رەتتەۋ ساياساتىن جەڭىلدەتۋ بويىنشا تۇبەگەيلى شارالار قابىلدادى، بۇل بيزنەس ءۇشىن اكىمشىلىك كەدەرگىلەردى جويۋدى بىلدىرەدى. ينۆەستيسيالىق احۋالدى جاقسارتۋ ءۇشىن جاڭا بەلسەندى سيكلدىڭ نەگىزگى باعىتتارىن ايقىندايتىن 2026 جىلعا دەيىنگى ينۆەستيسيالىق ساياساتى تۇجىرىمداماسى بەكىتىلدى. سونىمەن قاتار، قازاقستان كليماتتىڭ وزگەرۋىمەن كۇرەسۋ جونىندەگى حالىقارالىق كۇن ءتارتىبىن بەلسەندى تۇردە قولداپ، 2060 جىلعا قاراي كومىرتەگى بەيتاراپتىعىنا قول جەتكىزۋگە ۇمتىلۋدا»، - دەپ قورىتىندىلادى ءا.قۋانتىروۆ.
سونداي-اق، سپەكا فورۋمىنىڭ اياسىندا ۇلتتىق ەكونوميكا ءمينيسترى بىرىككەن ۇلتتار ۇيىمىنىڭ ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسياسى (بۇۇ ەسكاتو) اتقارۋشى حاتشىسىنىڭ تۇراقتى دامۋ جونىندەگى ورىنباسارى كاۆەح زاحەديمەن كەزدەسۋ وتكىزدى.
اڭگىمەلەسۋ بارىسىندا ءا.قۋانتىروۆ ەلىمىزدە بۇۇ-مەن بىرلەسىپ جۇزەگە اسىرىلىپ جاتقان جوبالار مەن باعدارلامالاردىڭ ماڭىزدى ءرولىن اتاپ ءوتتى.
«ءسىزدىڭ قولداۋىڭىزبەن قازاقستان مەن ەسكاتو اراسىنداعى ىنتىماقتاستىق ساپالى جاڭا دەڭگەيگە كوتەرىلەتىنىنە سەنىمدىمىز. اتاپ ايتقاندا، قازاقستان رەسپۋبليكاسى تۇراقتى دامۋ ماقساتتارىنا قول جەتكىزۋ كونتەكستىندە وڭ تاجىريبەلەردى دامىتۋ جانە ودان ءارى جىلجىتۋ بويىنشا ورتالىق ازيا ءوڭىرى مەن كاۆكازداعى ورتالىق بولا الادى. تۇراقتى دامۋ ماقساتتارىنا قول جەتكىزۋ اياسىندا ءا،ءا ينديكاتور قاراستىرلعان، ولار مەملەكەتتىك جوسپارلاۋ جۇيەسىمەن بىرىكتىرىلگەن»، - دەپ مالىمدەدى مينيستر.
ءوز كەزەگىندە زاحەدي مىرزا ستراتەگيالىق ارىپتەستىكتى ودان ءارى نىعايتۋعا دايىن ەكەنىن ءبىلدىرىپ، قازاقستانعا جاساعان ساپارىنىڭ ماڭىزدىلىعىن اتاپ ءوتتى.
«قازاقستان – ەسكاتو-نىڭ وتە ماڭىزدى جانە بەلسەندى مۇشەسى. تدم، سيفرلىق جانە اقپاراتتىق-كوممۋنيكاسيالىق تەحنولوگيالاردى دامىتۋ بويىنشا ىنتىماقتاستىقتىڭ كەڭەيۋىن قۇپتايمىز. ءبىز قازاقستاننىڭ گۇلدەنۋى مەن دامۋىن قامتاماسىز ەتۋگە بار كۇش-جىگەرىمىزدى سالۋعا دايىنبىز»، - دەدى كاۆەح زاحەدي.
ەسكاتو مەن بۇۇ ەۋروپالىق ەكونوميكالىق كوميسسياسى ۇيىمداستىرعان فورۋم ءوز جۇمىسىن ەرتەڭ جالعاستىرادى.