ازياداعى اسا ءىرى مەگاپوليستەردىڭ بىرىندە، دالىرەگى، گونكونگتە كەپتەرلەردى قولدان قورەكتەندىرۋگە قاتاڭ تىيىم سالىندى.
بۇل جايىندا aqshamnews.kz islam.kz پورتالىنا سىلتەمە جاساي وتىرىپ حابارلايدى.
اتالمىش ەرەجە تالاپتارىن بۇزعاندارعا 100 مىڭ گونگونكتىق دوللار ايىپپۇل سالىنىپ، ءبىر جىل جىلعا دەيىن باس بوستاندىعىنان ايىرادى. قازىرگى ۋاقىتتا بۇل مەگاپوليستە جابايى جانۋارلاردى - مايمىلداردى، قاباندار مەن تورعايلاردى تاماقتاندىرۋعا تىيىم سالىندى. جابايى كوگەرشىندەر بۇرىن زاڭنامادا ءۇي جانۋارلارىنا جاتقىزىلعان. گونكونگ تۇرعىندارىنا جاڭا تالاپتارمەن تانىسۋعا ۋاقىت بەرىلدى.
وسىلايشا، تامىز ايىنىڭ 1ء-ى مەن 31ء-ى ارالىعىندا ءتارتىپ بۇزۋشىلارعا الدىمەن اۋىزشا ەسكەرتۋ جاسالىپ، باعىنباعان جاعدايدا عانا ماجبۇرلەۋ شارالارى قولدانىلادى. قىركۇيەكتىڭ 1-نەن باستاپ ولار جاڭا ەرەجە بويىنشا جاۋاپقا تارتىلادى. وسى ورايدا بيىلعى قىستىڭ سوڭعى ايىندا – اقپاندا نەمىستەردىڭ ليمبۋرگ قالاسىنىڭ بيلىگىنىڭ تۇرعىندار تاراپىنان ۇيلەردىڭ، كوشەلەردىڭ مەن ەسكەرتكىشتەردىڭ قۇس ساڭعىرىعىمەن لاستانعاندىعى تۋرالى قارشا بوراعان شاعىمدارىنان شارشاپ، كوگەرشىندەردى اۋلاپ، كەيىن ولاردى جويۋ ارقىلى سانىن ازايتۋدى ۇيعارعانىن ايتا كەتپەكپىز. الايدا، جانۋارلار قۇقىعىن قورعاۋشىلار ۇيىمى ورە تۇرەەلىپ، بۇل باستاماعا نارازىلىق بىلدىرگەن ەدى. ءتىپتى، رەفەرەندۋم وتكىزگەن بولاتىن. الايدا، ونىڭ ناتيجەسى جاريالانبادى.