الماتىداعى رىسقۇلوۆ-بوكەيحانوۆ جولايىرىعىنا بۇرىلاتىن جول جوندەۋگە جابىلادى
رىسقۇلوۆ-بوكەيحانوۆ جولايىرىعىنداعى اۋماققا ورتاشا جوندەۋ جۇمىستارىن جۇرگىزۋگە بايلانىستى قوزعالىسقا ۋاقىتشا شەكتەۋ ەنگىزىلەدى، دەپ حابارلايدى aqshamnews.kz
2 تامىز ساعات 23.00-دەن 4 تامىز ساعات 11.00-گە دەيىن جولايىرىقتىڭ سولتۇستىك-باتىسقا بۇرىلاتىن جولدا قوزعالىس تولىعىمەن جابىلادى.
جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» سەرۆيستەرىندە جازىلعان.
