كەڭساي زيراتىنداعى ورتكە قاتىستى قىلمىستىق ءىس قوزعالدى

الماتىداعى ورتتەردىڭ شىعۋىنا ەكى سەبەپ قاراستىرىلىپ وتىر

الماتى قالاسىنداعى كەڭساي زيراتى اۋماعىندا بولعان ورتكە قاتىستى قىلمىستىق ءىس قوزعالدى. بۇل تۋرالى قالالىق توتەنشە جاعدايلار دەپارتامەنتى باسشىسىنىڭ ورىنباسارى سامات اساينوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«كەشە الماتىداعى كەڭساي زيراتى اۋماعىندا ءورت شىقتى. قازىرگى ۋاقىتتا مەدەۋ اۋداندىق پروكۋراتۋرا قىزمەتكەرلەرى ق ر قىلمىستىق كودەكسىنىڭ 204-بابى 2-بولىگىنە سايكەس قىلمىستىق ءىس قوزعادى. ءقازىر تەرگەۋ جۇمىسى ءجۇرىپ جاتىر»، - دەدى سامات اساينوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.

قالالىق تجد باسشىسى ورىنباسارىنىڭ ايتۋىنشا، ءورت سالدارىنان ادامدار زارداپ شەككەن جوق جانە ماتەريالدىق شىعىن كەلمەگەن.

سونداي-اق الماتىداعى ورتكە بايلانىستى ق ر توتەنشە جاعدايلار مينيسترلىگى ورتكە قارسى قىزمەت كوميتەتى ءتوراعاسىنىڭ ورىنباسارى دميتريي تيتوۆ تۇسىنىك بەردى.

«الماتىداعى ورتتەردىڭ شىعۋىنا ەكى سەبەپ قاراستىرىلىپ وتىر. ءبىرى – ءورت ابايسىزدا شىعۋى مۇمكىن نەمەسە ءورت قاۋىپسىزدىگى ەرەجەسىن بۇزۋ. ەكى جاعداي بويىنشا توتەنشە جاعدايلار جانە ىشكى ىستەر مينيسترلىگى قىزمەتكەرلەرى انىقتاۋ جۇمىسىن جۇرگىزەدى. ەگەر كىنالى تۇلعالار انىقتالسا، ولار جاۋاپقا تارتىلادى»، - دەدى تجم وكىلى.

بۇعان دەيىن بريفينگ بارىسىندا كەڭساي زيراتىنداعى ورتتەن 60 مولاعا زالال كەلگەنى ايتىلدى.
ەسكە سالا كەتسەك، الماتىداعى تاۋ بوكتەرىندە قۋراعان ءشوپ ورتەنگەنى تۋرالى حابارلاعان بولاتىنبىز.
ودان بولەك، كوكتوبەدەن دە ءورت شىققان ەدى.