الماتىنىڭ اكىمى باقىتجان ساعىنتايەۆ 25 ماۋسىم كۇنى ورتالىق كوممۋنيكاسيالار قىزمەتى الاڭىندا باسپا ءسوز ءماسليحاتىنا قاتىسىپ، ب ا ق وكىلدەرىنىڭ سان ءتۇرلى سۇراقتارىنا جاۋاپ بەرىپ، قالامىزدىڭ دامۋى مەن ەكونوميكا، ەكولوگيا، بيزنەس، ءوقۋ-بىلىم، مەديسينا سالاسىنداعى وزەكتى ماسەلەلەر مەن اتقارىلعان ىستەرگە توقتالدى، بولاشاق جوسپارلارمەن ءبولىستى.
مەگاپوليس باسشىسىنىڭ اتقارىلعان ىستەر جونىندەگى ءسوزىن تىڭداعان قالا تۇرعىندارى بۇگىن ءوز ويلارىن ورتاعا سالدى، دەپ حابارلايدى Almaty-akshamy.kz.
«الماتى قالاسى – الىپ مەگاپوليس جانە بۇكىل ەل ەكونوميكاسىنىڭ لوكوموتيۆى سانالادى. قالانىڭ الدىنا قويعان ماقساتى قالانىڭ ورتالىعى ءۇشىن عانا ەمەس، بۇكىل شاھار ءۇشىن دە وزەكتى ەكەنىن مويىندايمىز. قالا ورتالىعى مەن قالا ماڭىنداعى وڭىرلەر دە تىعىز بايلانىستى. باقىتجان ساعىنتايەۆ مەملەكەت باسشىسى قاسىمجومارت توقايەۆتىڭ تاپسىرماسى بويىنشا الماتى اگلومەراسياسىنىڭ 4 پيلوتتىق جوباسىن ىسكە اسىرۋ باستالعانىن جەتكىزدى. قاتەلەسپەسەم، ولارعا ەكولوگيالىق جاعدايدى جاقسارتۋ، كولىك جۇيەسىن دامىتۋ جانە كولىك مودەلىن ازىرلەۋ، توتەنشە جاعداي تاۋەكەلدەرىن ازايتۋ، شاعىن جانە ورتا بيزنەستى دامىتۋ كىرەدى. بۇلاردى قاي جاعىنان الىپ قاراساڭىز دا، ءارقايسىسىنىڭ ءوز ماڭىزدىلىعى بار ءارى ونىڭ ءبارى قالانى دامىتۋ ءۇشىن كەرەك»، -دەدى م.و. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى.
«ءدال ءقازىر كوروناۆيرۋس كەزەڭىنىڭ بارلىق قيىندىعىنا قاراماستان، قالادا تۇراقتى الەۋمەتتىك-ەكونوميكالىق جاعدايدىڭ قامتاماسىز ەتىلۋى ماڭىزدى. بۇل تۋرالى قالا اكىمى ناقتى ايتىپ ءوتتى. الەۋمەتتىك ساياسات، ەڭ الدىمەن، حالىقتىڭ وسال توپتارىن قولداۋعا باعىتتالعان. سونداي-اق، ول قالا بيلىگى قالانىڭ ساۋلەتتىك كەلبەتىن جاقسارتۋعا بەل بۋعانىن العا تارتتى. ارينە، بۇل رەتتە قالا تۇرعىندارىنىڭ پىكىرى ەسكەرىلەدى. ويتكەنى، الماتى كارى مەن جاستىڭ ەسىندە ءارتۇرلى ساقتالعان. ۇلكەن كىسىلەر ءۇشىن شاھاردىڭ وتكەنى قۇندى.
ءبىلىم سالاسىنا ەنگىزىلەتىن وزگەرىستەر دە قۋانتتى. قالامىزدا حالىقارالىق دارەجەدەگى وقۋ ورىندارىن اشامىز دەگەنى دە جاقسى جاڭالىق. سەبەبى، جاستارىمىز ساپالى ءبىلىم ىزدەپ شەتەل اسپايتىن بولدى. اينالىپ كەلگەندە، مۇنىڭ بارلىعى قالا تۇرعىندارىنىڭ ءال-اۋقاتىنىڭ ارتىپ، ۇلتتىق مادەنيەتىنىڭ مارقايۋىنا ءتۇپ- تياناق بولادى دەپ سەنەمىز»، -دەيدى كەنجەحان ماتىجانوۆ.