الدىن الۋ جۇمىسى مەملەكەتكە قوماقتى قاراجات ۇنەمدەيدى

«ساتىپ الۋدىڭ ءبىرىڭعاي تەرەزەسى» جۇيەسى «قولما-قول» رەجيمىندە سىبايلاس جەمقورلىقتى انىقتايدى.

سىبايلاس جەمقورلىققا قارسى ءىس-قيمىل اگەنتتىگى اعىمداعى جىلدىڭ 8 ايىنداعى مەملەكەتتىك ساتىپ الۋلارداعى باعا كومپلاەنسىنىڭ ناتيجەلەرىن جاريالادى، دەپ حابارلايدى Almaty-akshamy.kz.

«اتامەكەن» ۇكپ-مەن بىرلەسىپ، «ساتىپ الۋدىڭ ءبىرىڭعاي تەرەزەسى» اج-نى پايدالانا وتىرىپ، مەملەكەتتىك ساتىپ الۋلارعا مونيتورينگ جۇرگىزۋ شەڭبەرىندە 39 ملرد تەڭگەگە (38،8 ملرد) جۋىق سوماعا بيۋدجەت قاراجاتىنىڭ ءتيىمسىز جۇمسالۋىنا جول بەرىلمەدى.
اگەنتتىكتىڭ تالداۋشىلارى «اتامەكەن» ۇكپ-نىڭ «ساتىپ الۋدىڭ ءبىرىڭعاي تەرەزەسى» جۇيەسى ارقىلى «قولما-قول» رەجيمىندە سىبايلاس جەمقورلىقتىڭ جوعارى ىقتيمالدىعى بار تاپسىرىس بەرۋشىلەردى انىقتايدى.
ناتيجەلەر «تاۋەكەل توبىنداعى» بيۋدجەتتىك باعدارلامالاردىڭ بارلىق اكىمشىلەرىنە جىبەرىلەدى. نەگىزگى ماقسات-ساتىپ الۋ جوسپارىنىڭ تارماقتارىن «بارابار» باعاعا قاراي قايتا قاراۋ قاجەتتىگى تۋرالى ەسكەرتۋ.
سونداي-اق، ءوزىنىڭ كورپوراتيۆتىك مادەنيەتىنە سىبايلاس جەمقورلىققا قارسى جۇيەنى ەنگىزۋگە دايىن بيزنەستى سىبايلاس جەمقورلىققا قارسى سۇيەمەلدەۋ جالعاسۋدا.
«Protecting business and investments» جوباسى شەڭبەرىندە «اتامەكەن» ۇكپ-مەن بىرلەسىپ، بيزنەس بەتپە-بەت كەلەتىن كەدەرگىلەر جويىلۋدا، مەملەكەتتىك ورگاندارعا ءتيىستى ۇسىنىمدار جىبەرىلۋدە.
مىسال رەتىندە الماتى قالاسىندا سىبايلاس جەمقورلىققا قارسى سۇيەمەلدەۋمەن بولعان قارجى ليسەيىنىڭ «ءبىلىم كۇنىنە» اشىلۋى اتاپ ءوتىلدى. مەكتەپ 600 وقۋشىعا ساپالى ءبىلىم الۋعا مۇمكىندىك بەردى.
جالپى، جوبا اياسىندا بيزنەس ءۇشىن 100-گە جۋىق اكىمشىلىك كەدەرگىلەر انىقتالدى، ولار «اتامەكەن» ۇكپ پروبلەمالىق ماسەلەلەر تىزىلىمىندە ورنالاستىرىلعان.