ق ر سىرتقى ىستەر مينيسترلىگىندە وتكەن بريفينگتە ۆەدومستۆونىڭ رەسمي وكىلى ايبەك سمادياروۆ كەنەسارى حاننىڭ باسىن وتانىنا قايتارۋ مۇمكىندىگىنە قاتىستى پىكىر ءبىلدىردى، دەپ حابارلايدى Almaty-akshamy.kz.
ۆەدومستۆونىڭ رەسمي وكىلىنىڭ سوزىنشە، كەنەسارى حاننىڭ باسى جوق دەگەن دە دەرەكتەر بار.
«كەيبىر مالىمەتتەر بويىنشا، رەسەي تاراپىنىڭ ايتۋىنشا، باس تابيعاتتا جوق كورىنەدى»، - دەدى ايبەك سمادياروۆ.
ول كەنەسارى حانعا قاتىستى ماسەلەلەردى قازاق تاريحشىلارى رەسەيلىك ارىپتەستەرىمەن بىرلەسە وتىرىپ ناقتىلاۋى كەرەك ەكەنىن ايتتى.
تاريحي دەرەكتەردە كەنەسارىنىڭ 1847 جىلى قىرعىز جەرىندەگى كەكىلىك-سەڭگىر اڭعارىندا ۇستالىپ، جامبى اۋىلىندا ولتىرىلگەنى، دەنەسى سوندا قالدىرىلىپ، باس سۇيەگىنىڭ ومبىداعى ءباتىس-سىبىر ايماعىنىڭ گەنەرال-گۋبەرناتورى، كنياز پەتر گورچاكوۆقا اپارىپ بەرىلگەنى ايتىلادى.