كۇن جىلىسىمەن كوپشىلىك بوس ۋاقىتىن، دەمالىسىن دالادا، تابيعات اياسىندا وتكىزگەندى ءجون سانايدى. ورمان-توعاي، ساياباق اۋماعىندا كوكتەم سايىن بەلسەندىلى ارتا تۇسەتىن ءقاۋىپتى جاندىك - كەنەلەر.
كۇننىڭ جىلىنۋىمەن بىرگە تابيعات تا جاندانىپ، ادامعا جىبىرلاعان قۇرت پەن جاندىكتەردەن تونەتىن ءقاۋىپ تە كۇشەيەدى. اسىرەسە، كەنەنى كوكتەمدە جانە جازدا تابيعاتتا، اسىرەسە ورماندا «جۇقتىرىپ الۋ» ءقاۋپى كوپشىلىككە بەلگىلى. قانداي ساقتىق شارالارىن قولدانۋ كەرەك جانە ءوزىڭىزدى جانە جاقىندارىڭىزدى قالاي قورعاۋعا بولادى؟
بۇل مەزگىلدە قىس بويى اشىققان كەنەلەر كۇن جىلىسىمەن قورەك ىزدەپ، زيانى تەك جانۋارلارعا عانا ەمەس، ادامعا دا زور ءقاۋىپ توندىرەدى. نەگىزىنەن كەنەلەردىڭ ءقاۋىپ ءتوندىرۋ كەزەڭدەرى جىل مەزگىلىنىڭ كوكتەم ايلارىنان باستاپ جازدىڭ سوڭعى ايلارىنا دەيىن ۇلاسادى.
دسم كەنە ەنسەفاليتىنەن قالاي ساقتانۋعا بولاتىنىن ايتىپ، ەسكەرتۋ جاسادى، دەپ حابارلايدى aqshamnews.kz.
كەنەلەر ۇنەمى اۋرۋدىڭ تاسىمالداۋشىسى بولا بەرمەيدى - كوپ جاعدايدا ولاردىڭ شاعۋى زيانسىز، ءبىراق كەيبىرەۋلەرى ءارتۇرلى اۋرۋلاردى، سونىڭ ىشىندە كەنە ەنسەفاليتىن تاسىمالداۋى مۇمكىن.
كەنە ەنسەفاليتى كەلەسىدەي بەرىلەدى:
- ۆيرۋس جۇقتىرعان يكسود كەنەسى جابىسقان كەزدە؛
- كەنەلەردىڭ جاپپاي شابۋىلى كەزىندە ەشكىلەردىڭ، قويلاردىڭ، سيىرلاردىڭ شيكى سۇتىندە سيرەك جاعدايدا ۆيرۋس بولۋى مۇمكىن؛
- كەنەنى جانشىعاندا نەمەسە شاققان جەرىن قاسىعاندا.
كەنە ەنسەفاليتى اۋرۋىنىڭ بەلگىلەرى: جالپى السىزدىك، باستىڭ اۋرۋى، جۇرەكتىڭ اينۋى، قۇسۋ، تابەتتىڭ تومەندەۋى، دەنە تەمپەراتۋراسىنىڭ جوعارىلاۋى، كەنە شاققان جەردە گيپەرەميا.
كەنە ەنسەفاليتىنىڭ پروفيلاكتيكاسى:
تابيعاتتا دەمالۋ كەزىندە، ساياجايدا جانە ت. ب. مىنالار قاجەت:
ۇزىن جەڭدى كويلەك كيىپ، ونى شالبارعا، ال شالباردى شۇلىققا سالىڭىز. باس پەن مويىندى ورامالمەن، كاپيۋشونمەن جابىڭىز؛
مەزگىل-مەزگىل كيىم مەن دەنەنى ءوزىڭىز جانە ءوزارا قاراپ-تەكسەرىڭىز؛
دەنەنىڭ اشىق جەرلەرى مەن كيىمدەردى رەپەللەنتتەرمەن وڭدەڭىز؛
كەنە شاعىپ العان جاعدايدا مەديسينالىق ۇيىمعا جۇگىنىڭىز.
مەديسينالىق كومەككە جۇگىنۋ مۇمكىندىگى بولماعان كەزدە كەنەنى ءوزىڭىز الىپ تاستاڭىز (كەنەگە ءبىر تامشى ماي تامىزىپ، پينسەتپەن نەمەسە جىپپەن، قوزعاپ، بىرتىندەپ الىڭىز؛
ەگەر تۇمسىعى تەرىدە قالسا، ونى تىكەن سياقتى الىپ تاستاڭىز، شاققان جەرگە يود جاعىپ، قولىڭىزدى مۇقيات جۋىڭىز).