الماتىدا جىل سايىن دەنە شىنىقتىرۋمەن جانە سپورتپەن اينالىساتىن قالا تۇرعىندارىنىڭ سانى وسۋدە.
الماتى قالاسى سپورت باسقارماسى باسشىسىنىڭ ورىنباسارى بەكجان ونجان وڭىرلىك كوممۋنيكاسيالار قىزمەتىنىڭ بريفينگىندە سويلەگەن سوزىندە سپورتتىق ينفراقۇرىلىمدى دامىتۋ تۋرالى ايتىپ بەردى، دەپ حابارلايدى Almaty-akshamy.kz.
ءوز سوزىندە بەكجان ونجان قازاقستان رەسپۋبليكاسىنىڭ ۇكىمەتى بيىلعى جىلى 35%-دان كەم ەمەس قول جەتكىزۋمەن حالىقتى سپورتپەن قامتۋ بويىنشا نىسانالى كورسەتكىشتەردى قايتا قاراۋدى تاپسىردى.
«بۇگىندە قالادا قولجەتىمدى سپورتتىق ينفراقۇرىلىم سالىنۋدا، سونداي-اق ءبىز الماتىلىقتاردى سپورتپەن جاپپاي اينالىسۋعا تارتۋدامىز. بۇگىندە الماتىدا 3 611 سپورت عيماراتى بار. بۇل ستاديوندار، سپورت كەشەندەرى، جاتتىعۋ ورتالىقتارى، شاڭعى بازالارى، اتىس تيرلەرى، ۆەلوترەك، سەكىرۋگە ارنالعان ترامپلين، حوككەي كورتتارى، كونكيمەن جۇگىرۋ ستاديونى، تەننيس كورتتارى، يپپودروم، سپورت مانەجدەرى، ءجۇزۋ باسسەيندەرى جانە تاعى باسقالار»، - دەيدى سپورت باسقارماسىنىڭ وكىلى.
بۇل رەتتە جابىق سپورت نىساندارىنىڭ قۇرىلىسى ۇلعايۋدا. مىسالى، 2022 جىلدىڭ سوڭىنا دەيىن جەتىسۋ اۋدانىندا جەرگىلىكتى بيۋدجەت ەسەبىنەن سالىنعان دەنە شىنىقتىرۋ-ساۋىقتىرۋ كەشەندەرى اشىلادى. ولاردىڭ ءبىرى "كەمەل" شاعىناۋدانىندا (جايساڭ كوشەسى، 22، №80 مەكتەپ اۋماعىندا) ورنالاسقان. وندا جەكپە-جەك سەكسيالارى، سپورتتىق ويىندار ۇيىمداستىرىلادى. تاۋلىكتىك وتكىزۋ قابىلەتى – 560 ادام.
ەكىنشى دسك "اينابۇلاق-2" شاعىناۋدانىندا (№118 جانە №137 مەكتەپتەر اراسىندا) اشىلادى. وندا امبەباپ جانە جاتتىعۋ زالدارىنا، بوكس جانە جەكپە-جەك زالىنا بارۋ مۇمكىندىگى پايدا بولادى. تاۋلىكتىك وتكىزۋ قابىلەتى – 564 ادام.
تاعى ءبىر سپورت عيماراتى "قۇلاگەر" شاعىناۋدانىندا قازىبايەۆ كوشەسىندە اشىلادى. مۇندا ءتۇرلى سەكسيالار اشىلىپ ، سۋ سپورت تۇرلەرى داميتىن بولادى. تاۋلىكتىك وتكىزۋ قابىلەتى – 894 ادام.
الماتى قالاسى سپورت باسقارماسى باسشىسىنىڭ ورىنباسارى بەكجان ونجان ءۇش دەنە شىنىقتىرۋ-ساۋىقتىرۋ كەشەنى مەن تەننيس ورتالىعىنىڭ قۇرىلىسى تۋرالى ايتىپ بەردى.
«مەدەۋ اۋدانىنىڭ "الاتاۋ" شاعىناۋدانىندا 7 400 شارشى مەتر الاڭدا ۇلكەن دسك سالىنادى. قۇرىلىس كولەمى بويىنشا وسىنداي نىسان تۇركسىب اۋدانىنىڭ "جاس قانات" شاعىناۋدانىندا پايدا بولادى. وندا سۋ سپورتى تۇرلەرى بويىنشا سپورت سەكسيالارى، ۇستەل تەننيسى، حورەوگرافيا ساباقتارى ۇيىمداستىرىلادى. الاتاۋ اۋدانىنىڭ "زەردەلى" شاعىناۋدانىندا بوكس جانە جەكپە-جەكپەن اينالىساتىن كەشەن سالىنادى»، - دەپ جالعاستىردى وكق سپيكەرى.
سونىمەن قاتار، 14 كورتقا ارنالعان تەننيس ورتالىعى سالىنادى، وندا 4 جابىق جانە 10 اشىق كورت بولادى. بۇل قالاداعى ەڭ ءىرى تەننيس ورتالىقتارىنىڭ ءبىرى بولادى جانە الاتاۋ اۋدانىندا، رىسقۇلوۆ داڭعىلىنىڭ سولتۇستىگىندە، مومىش ۇلى كوشەسىنىڭ باتىسىندا ورنالاسادى. سونداي-اق، وسى جوبا شەڭبەرىندە فيتنەس جانە قالپىنا كەلتىرۋ راسىمدەرىنە ارنالعان زال، ترەناجەر زالى كوزدەلگەن.
ينۆەستيسيالار ەسەبىنەن My win سپورت كەشەنىنىڭ، ۇستەل تەننيسى ورتالىعىنىڭ قۇرىلىسى جۇرگىزىلۋدە، سونىمەن قاتار ۆەلوترەك جوندەۋدەن وتەدى.
وسىمەن قاتار وبلىس اكىمدىكتەرى دەنە شىنىقتىرۋ-ساۋىقتىرۋ كەشەندەرىن ورنالاستىرۋ ءۇشىن قوسىمشا الاڭداردى بەردى. سپورتتىق نىساندار سانىنىڭ نەگىزگى ءوسىمى اشىق سپورت الاڭدارىن سالۋ ەسەبىنەن. بۇگىندە ولاردىڭ سانى 2 409-دى قۇرايدى.
الماتى قالاسىنىڭ وڭىرلىك كوممۋنيكاسيالار قىزمەتىنىڭ حابارلامالارى جانە ماتەريالدارىمەن ءبولىسۋ كەزىندە وكق-عا سىلتەمە جاساۋ مىندەتتى.