بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى سپورت باسقارماسى باسشىسىنىڭ ورىنباسارى بەكجان ونجان مالىمدەدى.
سپيكەر جاستاردى سالاۋاتتى ءومىر سالتىنا تارتۋ ماقساتىندا الماتىنىڭ سەگىز اۋدانىندا 100 بوس ۋاقىت ورتالىعى قىزمەت كورسەتەتىندىگىن، وندا 8 مىڭنان استام ادامدى قامتيتىن تەگىن نەگىزدەگى 36 سپورت سەكسياسى مەن ۇيىرمە جۇمىس ىستەيتىنىن ايتتى، دەپ حابارلايدى Almaty-akshamy.kz.
«جوبانىڭ ماقساتى – 6 جاستان 15 جاسقا دەيىنگى بالالار ءۇشىن بۇقارالىق قولجەتىمدى سپورتتى دامىتۋ، ولار كەيىننەن كاسىبي سپورتقا كوشۋگە مۇمكىندىك الادى. اتالعان باعدارلاماعا قاتىسۋشىلاردىڭ 60-تان استام بولاشاعى بار بالالارى جسم-گە قابىلداندى»، - دەدى بەكجان ونجان.
قالامەن بارلىعى سپورتتىڭ ويىن تۇرلەرى بويىنشا توعىز سپورت كلۋبى قارجىلاندىرىلادى، ولاردىڭ باسىم بولىگى قازاقستان رەسپۋبليكاسىنىڭ ۇلتتىق قۇرامالارى ءۇشىن نەگىز بولىپ تابىلادى. ولاردىڭ ىشىندە: «بۋريەۆەستنيك الماتى» ۆولەيبول كلۋبى، «الماتى» قىزدار ۆولەيبول كلۋبى، «الماتى» باسكەتبول كلۋبى، «ايسۇلۋ» ايەلدەر حوككەي كلۋبى، «الماتى» حوككەي كلۋبى، «ازيا سپورت» قق رەگبي كلۋبى، «الماتى» گاندبول كلۋبى، «قايرات» فك، «قايرات» فۋتزال اكادەمياسى.
پرەزيدەنتتىڭ جولداۋىن ىسكە اسىرۋ جونىندەگى جالپىۇلتتىق جوسپاردى ورىنداۋ ماقساتىندا كاسىبي سپورت كلۋبتارىن بۇقارالىق سپورتقا قايتا بولە وتىرىپ، ولاردى كۇتىپ ۇستاۋعا ارنالعان قارجى شىعىستارى قىسقارتىلدى.
سونداي-اق، بەكجان ونجان الماتى قالاسى مەن قازاقستان رەسپۋبليكاسىنىڭ قۇراما كوماندالارىنا سپورت رەزەرۆىن دايىنداۋ تۋرالى ايتىپ بەردى. 13 مىڭنان استام سپورتشى ءۇشىن 78 سپورت ءتۇرى بويىنشا دايىندىق ءجۇرىپ جاتىر.
رەسپۋبليكانىڭ ۇلتتىق قۇراماسىنا 906 الماتىلىق سپورتشى كىرەدى، ونىڭ ىشىندە: نەگىزگى قۇرام – 135 سپورتشى، جاستار قۇرامى – 375 سپورتشى، جاسوسپىرىمدەر قۇرامى – 396 سپورتشى.
ءسوزىن جالعاستىرا وتىرىپ، بەكجان ونجان سپورت قىزمەتكەرلەرىن الەۋمەتتىك قولداۋ شارالارى تۋرالى حابارلادى.
«پرەزيدەنتتىڭ مۇعالىمدەردىڭ جالاقىسىن 25%-عا ارتتىرۋ تۋرالى تاپسىرماسىن ورىنداۋ اياسىندا 2020 جىلى رەسپۋبليكالىق بيۋدجەتتەن 257،9 ملن تەڭگە، 2021 جىلى 50%-عا كوتەرۋ ءۇشىن 578،9 ملن تەڭگە ءبولىندى. سپورت سالاسىندا 809 مامان قوسىمشا اقى الدى»، - دەپ قورىتىندىلادى سپيكەر.
الماتى قالاسىنىڭ وڭىرلىك كوممۋنيكاسيالار قىزمەتىنىڭ حابارلامالارى جانە ماتەريالدارىمەن ءبولىسۋ كەزىندە وكق-عا سىلتەمە جاساۋ مىندەتتى.