مەكتەپ ديرەكتورلارىن ارنايى جوعارى وقۋ ورىندارىنىڭ بازاسىندا ماگيستراتۋرادا دايارلاۋ قاجەت.
مۇنداي ۇسىنىستى ءماجىلىس دەپۋتاتى جۇلدىز سۇلەيمەنوۆا جاسادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەملەكەت باسشىسى مىندەتتەگەن 1 مىڭ مەكتەپتىڭ قۇرىلىسىن جۇزەگە اسىرۋ اياسىندا مەكتەپتى باسقارۋ جانە بىلىمدەگى كوشباسشىلىقتى قامتاماسىز ەتۋ ءۇشىن، ارينە، ديرەكتورلار كورپۋسى قاجەت. ەگەر ديرەكتور بولماسا، وندا ول مەكتەپتەگى ءبىلىمنىڭ ساپاسى تۋرالى دا، ول جەردەگى وليمپيادا تۋرالى دا ايتۋ، ءبارى دە بەكەرشىلىك. سوندىقتان، ءبىز ەڭ مىقتى، كوشباسشى، وقۋ پروسەسىن جەتىك بىلەتىن مەكتەپ ديرەكتورلارىن ارنايى جوعارى وقۋ ورىندارىنىڭ بازاسىندا ماگيستراتۋرادا دايارلاۋ قاجەت دەپ بىلەمىز»، - دەدى ءماجىلىس دەپۋتاتى رەسپۋبليكالىق تامىز كونفەرەنسياسى بارىسىندا.
جۇلدىز سۇلەيمەنوۆا ينكليۋزيۆتى ءبىلىم بەرۋ جۇيەسىن جەتىلدىرۋ اياسىندا تۇرمىسى ناشار، الەۋمەتتىك وسال توپتارداعى وتباسى بالالارىن تەك مەكتەپ فورماسىمەن نەمەسە رەسۋرستىق قانا ەمەس، سونىمەن قاتار ولاردىڭ زياتكەرلىك، مادەني، فيزيكالىق دامۋىن دا قامتاماسىز ەتۋ قاجەتتىگىن باسا ايتتى.