قازاقى ءراسىم كەزىندە اعىلشىن تىلىندە سويلەۋىنە نە سەبەپ بولعانى بەلگىسىز.
الەۋمەتتىك جەلىدە جاڭا تۇسكەن كەلىننىڭ بوساعا اتتاعاننان كەيىنگى ءراسىمىن جۇرگىزگەن اجەنىڭ ۆيدەوسى تارادى، دەپ حابارلايدى Almaty-akshamy.kz Turkystan.kz سىلتەمە جاساپ.
ۆيدەودا ءبىر قولىمەن ماي، ءبىر قولىمەن تۇتىندەگەن ادىراسپان ۇستاپ، كەلىنگە ءوزىن تانىستىرىپ جاتقان ەگدە جاستاعى ايەل كەلىنىنە اعىلشىن تىلىندە باتا بەرەدى.
«40 جىلدان بەرى اعىلشىن ءپانىنىڭ ءمۇعالىمى بولىپ جۇمىس ىستەدىم. باقىتتى بولىڭدار! ءۇبىرلى-شۇبىرلى بولىڭدار»، – دەدى اقجاۋلىقتى انا اعىلشىن تىلىندە.
وسى ساتكە كۋا بولىپ وتىرعان جىگىتتىڭ تۋعان-تۋىستارى قىران-توپان كۇلە جونەلدى. ەندى عانا بوساعا اتتاعان كەلىن باسىن يزەپ، ريزا كەيىپپەن وڭ قولىنا ماي الىپ، جانىپ جاتقان ادىراسپانعا تاستادى. تۇتىنگە قولىن توسىپ، بەتىن سيپادى.
اعىلشىن تىلىندە سايراعان اپا: «ادال كەلىن بول! باقىتتى بولىڭدار!» - دەپ قازاق تىلىندە دە تىلەگىن ايتتى.
ۇلكەن كىسىنىڭ قازاقى ءراسىم كەزىندە اعىلشىن تىلىندە سويلەۋىنە نە سەبەپ بولعانى بەلگىسىز. ءبىراق ءبىز جاڭا تۇسكەن كەلىننىڭ اعىلشىن ءپانىنىڭ ءمۇعالىمى بولۋى مۇمكىن دەگەن ويعا كەلدىك.
جەلى قولدانۋشىلارى ۆيدەوداعى ءراسىمنىڭ تابالدىرىقتا جاسالۋى كەرەكتىگىن ايتتى. سونداي-اق كەلىننىڭ ۇلكەن ادامعا تىك قاراپ، ورنىنان تۇرماي قويعانىن دا سىنعا الدى.
ولار «بۇل اپا تۇلكىباستاعى جاسكەشۋ اۋىلىندا تۇرادى»، «كەلىننىڭ وتىرىپ العانى نەسى؟!»، «اپا جاراعان» دەپ جازدى.
پوسموترەت ەتۋ پۋبليكاسيۋ ۆ Instagram