پرەزيدەنت ۇلتتىق قۇرىلتايدىڭ ءتورتىنشى وتىرىسىن كەلەسى جىلى كوكشەتاۋدا وتكىزۋدى ۇسىندى. بۇل تۋرالى مەملەكەت باسشىسى ۇلتتىق قۇرىلتايدىڭ ءۇشىنشى وتىرىسىندا سويلەگەن سوزىندە ايتتى، دەپ حابارلايدى اlmaty-akshamy.kz.
«شىن مانىندە، مۇنداي القالى جيىنداردى ايماقتاردا وتكىزۋدىڭ ءمان-ماڭىزى زور. سول ارقىلى وبلىستاردىڭ دامۋىنا تىڭ سەرپىن بەرەمىز. وسى ءۇردىس الداعى ۋاقىتتا دا جالعاسىن تابادى. ايگىلى قاسىم حان – سارايشىقتا، ابىلاي حان – بۋرابايدا ورداسىن تىككەنى بەلگىلى. ەسىلدىڭ بويىندا – كەنەسارى حان مەملەكەتتىگىمىزدى ساقتاپ قالۋ ءۇشىن تالاي جورىققا شىققان. بۇل ايماق ءتول شەجىرەمىزدە ايرىقشا ورىن الادى. سوندىقتان ۇلتتىق قۇرىلتايدىڭ ءتورتىنشى وتىرىسىن كەلەسى جىلى كوكشەتاۋدا وتكىزۋدى ۇسىنامىن»،-دەپ قورىتتى ءسوزىن پرەزيدەنت.