بۇگىن ۇلتتىق قۇرىلتاي وتىرىسىندا بەلگىلى ادۆوكات ايمان وماروۆا بۇقارالىق اقپارات قۇرالدارىندا زورلىق-زومبىلىقتىڭ ناسيحاتتالۋى قانداي زيان كەلتىرىپ جاتقانىن ايتتى، دەپ حابارلايدى اlmaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
«بالالارعا قاتىستى زورلىق-زومبىلىق بويىنشا كوپتەگەن رەزونستى ىستەردە ب ا ق وكىلدەرى بىزدەن بۇرىن قيمىلدايتىنى بەلگىلى. ال بۇل اقپاراتتار كوپ جاعدايدا جابىرلەنۋشىلەردىڭ پسيحولوگيالىق كۇيزەلۋىنە الىپ كەلەدى. ءتىپتى، كەيبىرەۋلەرى ار-نامىستى العا تارتىپ، وز-وزىنە قول جۇمساۋعا بارادى. وسىعان بايلانىستى مەن زورلىق-زومبىلىقتى ناسيحاتتايتىن باعدارلامالارعا تىيىم سالىپ، ونداي ورەسكەل مازمۇنداعى وقيعالاردى كورسەتپەۋدى سۇرايمىن»، - دەدى ا. وماروۆا.
ونىڭ پايىمداۋىنشا، حالىقتىڭ پايداسىنا قابىلداناتىن زاڭداردى ناسيحاتتاۋ كەرەك.
«كورەرمەندەردىڭ قۇقىقتىق ساۋاتىن ارتتىرۋىمىز قاجەت. سوندىقتان وسىنداي اقپاراتتى كوبەيتۋ كەرەك»، - دەدى ادۆوكات.