بۇل تۋرالى ۇكىمەت وتىرىسىندا كولىك ءمينيسترى مارات قارابايەۆ مالىمدەدى، دەپ حابارلايدى اlmaty-akshamy.kz.
جولدارعا سالىنىپ جاتقان ۇلكەن ينۆەستيسيالاردى ەسكەرە وتىرىپ، سالىنعان جاڭا جولداردى ءتيىستى دەڭگەيدە ساقتاپ قالۋ اسا ماڭىزدى. مەملەكەتىمىزدە 450 مىڭنان استام جۇك كولىگى تىركەلسە، ونىڭ 60 مىڭى رۇقسات ەتىلگەن 25 توننا جۇك تاسۋ كولەمىن ساقتامايدى، - دەدى مينيستر.
قارابايەۆ اتاپ وتكەندەي، بۇل جولداردىڭ بۇزىلۋىنا تىكەلەي اسەر ەتەدى. وسىعان بايلانىستى كارەر يەلەرىنىڭ سالماق پارامەترلەرىن ساقتاۋ بويىنشا جاۋاپكەرشىلىگىن كۇشەيتۋ، كارەرلىك ساموسۆالداردىڭ جالپىعا ورتاق پايدالانىلاتىن جولدارعا شىعۋىنا تىيىم سالۋعا ءتيىستى زاڭنامالىق تۇزەتۋلەر ازىرلەندى.
ۆەدومستۆو باسشىسىنىڭ ايتۋىنا قاراعاندا، بۇل نورمالاردى قىركۇيەك ايىنا دەيىن ماجىلىسكە كىرگىزىپ، 2025 جىلدىڭ باسىنان باستاپ كۇشىنە ەنگىزۋ جوسپارلانىپ وتىر.
كەلەسى جىلدىڭ اياعىنا دەيىن اۆتوكولىكتىڭ قوزعالىسى كەزىندە سالماعىن ولشەيتىن 220 ستانسيالارىن ورناتۋ جۇمىستارى باستالادى. ولشەۋ ستانسيالارى – بۇزۋشىلىقتاردى ونلاين تىركەپ، ايىپپۇلدى «سەرگەك» باعدارلاماسى فورماتىندا راسىمدەيدى، - دەپ ايتتى ول.
مينيسترلىكتىڭ دەرەگىنە سايكەس، 2023 جىلى ءىرى گاباريتتى اۋىر سالماقتار بويىنشا 250 000-نان استام جۇك كولىگى تەكسەرىلدى، 85 500-گە جۋىق بۇزۋشىلىقتار انىقتالعان. ارتىق جۇكتەمەمەن 20 406 جۇك كولىكتەرىنىڭ جۇرۋىنە جول بەرىلمەدى. جۇك كولىكتەرىنىڭ جول اقىسىنان 25 ملرد تەڭگەدەن استام ايىپپۇل ءوندىرىلدى.