جۇيە اياسىندا ازاماتتاردىڭ ۇلتتىق ەلەكتروندىق دەنساۋلىق پاسپورتىن جاساۋ، ميكروسەرۆيستىك ارحيتەكتۋرانى پايدالانۋعا كوشۋ جانە انىقتامالىق مالىمەتتەر بازاسىن قۇرۋ كوزدەلگەن.
ق ر پرەمەر-مينيسترىنىڭ ورىنباسارى ەرالى توعجانوۆ ءماجىلىس وكىلدەرىنىڭ دەپۋتاتتىق ساۋالىنا جولداعان جاۋابىندا دەنساۋلىق ساقتاۋ جۇيەسىن سيفرلاندىرۋ باعىتىندا eHealth اقپارات جۇيەسىن 2023 جىلى ىسكە قوسۋ كوزدەلگەنىن ايتتى
«قازىرگى تاڭدا دەنساۋلىق ساقتاۋ جۇيەسىن سيرفلاندىرۋدىڭ نەگىزگى مىندەتى – دەنساۋلىق ساقتاۋ مينيسترلىگى مەن ونىڭ باعىنىستى ۇيىمدارىنىڭ بىتىراڭقى جاتقان اقپاراتتىق جۇيەلەرىن بىرىكتىرۋ. بۇل ماسەلەنى شەشۋ ءۇشىن eHealth اتتى دەنساۋلىق ساقتاۋدىڭ جاڭا سيفرلىق ەلەكتروندىق ساۋلەتىنە كوشۋ جۇزەگە اسىرىلىپ جاتىر. سونىڭ اياسىندا ازاماتتاردىڭ ۇلتتىق ەلەكتروندىق دەنساۋلىق پاسپورتىن جاساۋ، ميكروسەرۆيستىك ارحيتەكتۋرانى پايدالانۋعا كوشۋ جانە انىقتامالىق مالىمەتتەر بازاسىن قۇرۋ كوزدەلگەن»، - دەپ جازادى ەرالى توعجانوۆ.
ونىڭ سوزىنە قاراعاندا، eHealth جۇيەسىنىڭ قۇرامداس بولىكتەرىن ىسكە قوسۋ 2022 جىلعا جوسپارلانعان. ال جۇيەنىڭ ءوزى 2023 جىلى تولىق جۇمىس ىستەي باستايدى.
«ءقازىر دەنساۋلىق ساقتاۋ مينيسترلىگىنىڭ اقپاراتتىق جۇيەلەرىن موديفيكاسيالاۋ، eHealth يادروسىنىڭ بازالىق بولشەكتەرىن ازىرلەۋ جۇمىستارى ءجۇرىپ جاتىر. موديفيكاسيا اياسىندا «سيفرلىق ەركىندىك» قاعيداتىن قامتاماسىز ەتۋ كوزدەلگەن. بۇل قاعيدات بويىنشا مەديسينالىق اقپارات جۇيەلەرى اراسنىندا دەرەكتەردى جوعالتپاستان الماسۋ جوسپارلانىپ وتىر. بۇل مەديسينالىق ۇيىمداردىڭ مەديسينالىق اقپارات جۇيەلەرىنە تاۋەلدىگىن جويادى. قازىرگى تاڭدا «ۆاكسينالاۋ»، «ۆاكسينالاۋدىڭ ەلەكتروندى پاسپورتى»، «كلينيكالىق اقپاراتتىڭ ورتالىق ساقتاعىشى» سياقتى مودۋلدەر جاسالدى»، - دەلىنگەن ۆيسە-پرەمەردىڭ جاۋابىندا.
سونداي-اق، ەرالى توعجانوۆ ەلدەگى پەدياتر مامانداردىڭ تاپشىلىعى قالاي شەشىلىپ جاتقانىن ايتىپ بەردى.