بۇل تۋرالى الماتى اكىمى ەربولات دوسايەۆ بوستاندىق اۋدانىنىڭ تۇرعىندارىمەن كەزدەسۋ بارىسىندا جولداعى ساپاسىز ليۋكتەر جايلى سۇراققا جاۋاپ بەردى.
«جولداعى ليۋكتەرگە قاتىستى بارلىق ماسەلە جۇيەلى تۇردە شەشىلەدى. بيىلعا جوسپار بار، قاراجات ءبولىندى. ءبىز ءقازىر ليۋكتەردى «قالقىمالى» تۇرىنە اۋىستىرىپ جاتىرمىز، بۇل جۇمىس 2026 جىلدىڭ سوڭىنا دەيىن جالعاسادى»، - دەدى مەگاپوليس باسشىسى.
ەربولات دوسايەۆ قالادا سۋ-جىلۋمەن قامتاماسىز ەتۋ جانە باسقا دا ءتۇرلى كاسىپورىندارعا جاتاتىن كوپتەگەن ليۋكتەر بار ەكەنىن اتادى.
«بۇل جوسپارلى جۇمىس، ەگەر قالا تۇرعىندارى ءبىر جەردە ماسەلە شەشىلمەگەنىن ايتىپ جۇگىنسا، ءبىز ونى بولەك قاراستىرامىز. بىلتىردان بەرى اعىمداعى جوندەۋ جۇمىستارى اۋدان اكىمدىكتەرىنە بەرىلگەنى بەلگىلى، ءقازىر جۇمىس قارقىن الدى، ءبىراق ساپاسى بويىنشا بەلگىلى ءبىر شاعىم بار. بيىل ءبىز ليۋكتەردى جوندەۋ بويىنشا جاڭا ستاندارتتى بەكىتەمىز جانە كەلەسى جىلدىڭ كوكتەمىندە سول جاڭا ستاندارت بويىنشا جۇمىس ىستەيمىز»، - دەدى الماتى اكىمى.