كەلەسى جىلدان باستاپ بيزنەستى تەكسەرۋگە موراتوريي مەرزىمى اياقتالادى
پارلامەنتتە ۇلتتىق ەكونوميكا ءمينيسترى ءبىرقاتار تۇزەتۋلەر ەنگىزىپ، كاسىپكەرلىك سۋبەكتىلەرىن مەملەكەتتىك باقىلاۋ مەن قاداعالاۋ جۇيەسىن رەفورمالاۋدى جوسپارلاپ وتىرعانىن ايتىپ بەردى، دەپ حابارلايدى اlmaty-akshamy.kz
“تاۋەكەلدەردى باسقارۋ جۇيەسى باقىلاۋدىڭ 70 سالاسىندا ەنگىزىلەدى. تەكسەرۋ كەستەسى ادامنىڭ قاتىسۋىنسىز قالىپتاسادى. اۆتوماتتاندىرىلعان. ەگەر وبەكت، بيزنەس سۋبەكتىسى زاڭدى ورەسكەل بۇزسا، ەسكەرتۋسىز تەكسەرىس بولۋى مۇمكىن. مىسالى ول مەملەكەتكە زيان كەلتىرەتىن، حالىقتىڭ ءومىرى مەن دەنساۋلىعىنا، ەكولوگياعا، ۇلتتىق قاۋىپسىزدىككە زيان كەلتىرەتىن شارالار قولدانسا، كەنەت تەكسەرىس جۇرەدى”، – دەدى الىبەك قۋانتىروۆ.
جەدەل دەن قويۋ شارالارى مەملەكەت ومىرىنە بارىنشا اسەر ەتەتىن سالالارعا قاتىستى بولادى. دەپۋتاتتار بۇل يننوۆاسيالار تابيعي مونوپوليالار سۋبەكتىلەرىنىڭ تاريف بەلگىلەۋىنىڭ اشىقتىعىن ارتتىرادى دەيدى. بيزنەستى جۇرگىزۋ ماسەلەلەرى جونىندەگى زاڭ جوباسىنا 300-دەن استام تۇزەتۋلەر ەنگىزۋ ۇسىنىلىپ وتىر. ولاردىڭ ءبىرى – كاسىپكەرلەردى جازالاۋدان قۇقىق بۇزۋشىلىقتىڭ الدىن الۋ. سوندىقتان بيزنەسمەندەرگە قاتەلىكتەرمەن جۇمىس ىستەۋگە مۇمكىندىك بەرىلەدى دەيدى ساراپشىلار.
“1 قاڭتاردان باستاپ ولاردىڭ باقىلاۋىنداعى سۋبەكتىلەردىڭ تەك 5%-ى عانا تەكسەرىلەدى. شىن مانىندە، مەملەكەتتىڭ ماقساتى – جازالاۋ نەمەسە ايىپپۇل سالۋ ەمەس. كاسىپكەردىڭ جىبەرگەن كەمشىلىكتەرىن تۇزەتۋىنە مۇمكىندىك بەرە وتىرىپ، ءسىز ونى جازالاساڭىز، ونى رەسۋرستاردىڭ كولەمىنەن ايىراسىز، مەنىڭ ويىمشا، بۇل ەكونوميكا تۇرعىسىنان الدەقايدا ءتيىمدى”، – دەدى قاراعاندى وبلىسى كاسىپكەرلەر قاۋىمداستىعىنىڭ پرەزيدەنتى گۇلنار قۇربانبايەۆا.