كەلەسى اپتادان باستاپ قازاقستاندىقتار توي وتكىزە الادى

27 قىركۇيەكتەن باستاپ ءبىرقاتار ءىس-شارا وتكىزۋگە رۇقسات بەرىلەدى.

كەلەسى اپتادان باستاپ قازاقستاندىقتارعا توي وتكىزۋگە رۇقسات بەرىلدى. Ashyq بويىنشا «ءقاۋىپسىز» مارتەبەسى بار قىزمەتكەرلەر مەن كەلۋشىلەردىڭ قاتىسۋىمەن ءبىرقاتار ءىس-شارا وتكىزۋگە رۇقسات ەتىلدى. بۇل تۋرالى قازاقستاننىڭ پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا بەلگىلى بولدى، دەپ حابارلايدى Almaty-akshamy.kz Primeminister.kz سىلتەمە جاساپ.

دەنساۋلىق ساقتاۋ ءمينيسترى الەكسەي سوي ەلدەگى ەپيدەميولوگيالىق جاعداي تۇراقتانعانىن، سوڭعى 2 اپتادا سىرقاتتانۋشىلىق پەن ءولىم-جىتىم دەڭگەيى 60%-عا تومەندەگەنىن ايتتى. وسىعان بايلانىستى ۆاك ءبىرقاتار شەشىم قابىلدادى:

16 ەلمەن اۋە قاتىناسىن جاڭارتۋ جانە ۇلعايتۋ (رەسەي فەدەراسياسى، تۇركيا، ءباا، وزبەكستان، گەرمانيا، مالديۆ، كورەيا، پولشا، ۆەنگريا، يتاليا، چەحيا، شري-لانكا، جۇڭگو، ساۋد ارابياسى، كۋۆەيت، ازەربايجان). 

قولايلى ەپيدەميولوگيالىق احۋالى جانە حالىقتى ۆاكسينالاۋدىڭ جوعارى دەڭگەيى بار 30 شەت مەملەكەتپەن قازاقستان رەسپۋبليكاسىنا كىرۋ ءۇشىن ۆيزاسىز رەجيمدى قايتا باستاۋ (يتاليا، نيدەرلاندى، فرانسيا، گەرمانيا، يسپانيا، جاپونيا، ءباا، ساۋد ارابياسى، كۋۆەيت، پولشا دانيا، چيلي، ۆەنگريا، كورەيا، چەحيا، باحرەين، كاتار، موناكو، كيپر، يسلانديا، فينليانديا، مالتا، شۆەسيا، پورتۋگاليا، ليحتەنشتەين، سلوۆاكيا، ليۋكسەمبۋرگ، كانادا، سينگاپۋر، بەلگيا).

سونداي-اق ەرجان توعجانوۆ ۆاكسينا الۋدىڭ قولجەتىمدىلىگىن ارتتىرۋ ماقساتىندا اكىمدىكتەرگە اۋەجايلاردا، تەمىر جول ۆوكزالدارىندا، ءىرى بازارلار مەن ساۋدا ورىندارىندا تالاپتارعا سايكەس كەلەتىن پۋنكتتەر ۇيىمداستىرۋدى تاپسىردى.

 ۆاك وتىرىسىنىڭ قورىتىندىسى بويىنشا پرەمەر-مينيستردىڭ ورىنباسارى ءبىرقاتار باسقا تاپسىرمالار بەردى.